जेसीबीका दुर्घटनामा एकको मृत्यु, २ घाईते
सिन्धुली: जिल्लाका छुट्टा छुटै स्थानमा भएको दुर्घटनामा एक जनाको मृत्यु भएको छ भने २ जना घाईते भएका छन्।
जिल्ला प्रहरी कार्यालय सिन्धुलीले दिएको जानकारी अनुसार कमलामाई नगरपालिका-९को विद्यालय भवन सफा गर्ने क्रममा दुर्घटना हुँदा ना १ क ४४१९ नम्बरको जेसीबीका सह-चालक दाङ घोराही नगरपालिका-६ का अन्दाजी ३५ वर्षीय गोपाल मगरको मृत्यु भएको छ।
घाईते मगरलाई उपचारका लागि बर्दिबास तर्फ लाने क्रममा बाटोमै मृत्यु भएको जिल्ला प्रहरी कार्यालय सिन्धुलीका प्रहरी निरीक्षक सन्तोष श्रेष्ठले जानकारी दिए।
त्यस्तै बिहिबार नै सुनकोशी गाउँपालिका वडा नं.३ रातमाटाबाट वडा नं.४ कोटगाउँ तर्फ जाने क्रममा बा ३ ख १२१९ नम्बरको महेन्द्र निशानको मिनि ट्रक दुर्घटना हुँदा २ जना घाईते भएका छन्।
घाईते हुनेमा ट्रकका चालक रामेछाप खाडादेवी गाउँपालिका-१ का ४९ वर्षिय भोलानाथ चौलागाई र सह चालक सुनकोशी गाउँपालिका-३ का २६ वर्षिय विष्णु श्रेष्ठ घाईते भएका छन्।
घाईते दुवै जनाको स्थानीय भरोशा अस्पतालमा सामान्य उपचार पछि थप उपचारका लागी धुलिखेल अञ्चल अस्पतालमा रिफर गरिएको प्रहरीले जनाएको छ।
प्रतिक्रिया दिनुहोस !
