सभ्य समता सहकारीबाट २५ लाख चोरी
पोखरा(अन्नपूर्ण): माछापुछ्रे गाउँपालिका वडा नं ४ लाहाचोकको सभ्य समता बचत तथा ऋण सहकारीबाट २५ लाख ६६ हजार रुपैयाँ चोरी भएको छ।
राति भएको चोरीको खबर सहकारी कर्मचारीले बिहीबार बिहान पाएका थिए। भल्ट नै फुटालेर उक्त रकम चोरी भएको कास्की प्रहरी प्रवक्ता डिएसपी खड्क खत्रीले जनाए।
उनका अनुसार सहकारी रहेको घरको झ्याल फोरेर चोर भित्र पसेको पाइएको छ। गाउँपालिका केन्द्र रहेको बजारमा सञ्चालित सहकारी स्थानीय यदु अधिकारीको घरको भुईतलामा छ।
सहकारीले गार्ड र सिसी क्यामेरा पनि नरहेको घटना पुगेर फर्केका डिएसपी खत्रीले जनाए। 'घरको झ्याल पनि कच्ची र पुरानो थियो,' उनले भने। तीनवटा आल्मुनियम र एउटा फलामको ढोका फोरेर चोर भित्र पसेको पनि उनले जनाए।
प्रतिक्रिया दिनुहोस !
