अभिनेता दिनेश केसी अभिनयमा भविश्य खोजीरहेका छन् । उनी आफू अभिनीत चलचित्र ‘खतरनाक’बाट निकै आशावादी छन् । चाँडै प्रदर्शनमा आउने यस चलचित्रमा दिनेश एक्सन भूमिकामा छन् । नायिका सञ्चिता लुइँटेलसँग अनस्क्रिन रोमान्स गरेका उनले आफू अभिनीत अघिल्ला चलचित्रभन्दा ‘खतरनाक’ फरक रहेको दाबी गरेका छन् । उनले सिसा, आइएम क्रेजी, दानव, नेपथ्य, बादशाह, निसाफ, झमेला, लालेजस्ता चलचित्रमा अभिनय गरिसकेका छन् ।
करिब दुई दर्जन म्युजिक भिडियोमा मोडलिङ गरेका दिनेश पछिल्लो समय चलचित्र अभिनयमा लागेका हुन् । उनी अहिले नयाँ चलचित्रको तयारीमा छन् । थाइल्यान्डमा छायांकन हुने सो चलचित्रमा चार नायिकाका साथ उनी देखिने छन् । अभिनेता दिनेशका अनुसार प्रेमकथामा आधारित सो चलचित्रलाई रामेशकुमार राईले निर्देशन गर्ने छन् ।
प्रतिक्रिया दिनुहोस !
