काठमाडौं: एनसेल प्राइभेट लिमिटेडले चौथो पुस्ताको मोबाइल सेवा (फोरजी)÷लङ टर्म इभोलुसन (एलटीई) सेवा थप दुई सहर– कोहलपुर (बाँके) र वीरेन्द्रनगर (सुर्खेत)मा विस्तार गरेको छ । यो सेवा शुक्रबारदेखि सञ्चालनमा आउने कम्पनीले जनाएको छ।
सेवा विस्तारसँगै एनसेलको फोरजी सिम तथा फोरजी सेवा सपोर्ट गर्ने मोबाइल सेट प्रयोग गर्ने सबै प्रिपेड तथा पोस्टपेड ग्राहकले कोहलपुर र वीरेन्द्रनगरमा पनि दु्रतगतिको मोबाइल ब्रोडब्यान्ड सेवाको लाभ लिन सक्नेछन् । आफ्नो सिम कार्डलाई फोरजीमा परिवर्तन नगरे ग्राहकले नजिकैको एनसेल सेन्टरमा गई आफूले प्रयोग गरिरहेको सिमलाई यूसिमसँग परिवर्तन गर्न सक्नेछन्।
यसका लागि एक रुपैयाँ मात्र लाग्ने कम्पनीले जनाएको छ । नयाँ सिमका ग्राहकले तीन दिनसम्म मान्य हुने गरी एक जीबीको डेटा प्राप्त गर्नेछन् । फोरजी सेवा सञ्चालनमा ल्याएको अवसरमा एनसेलले यी सहरमा सेवा प्रयोग गर्ने ग्राहकलाई योन्डर म्युजिक एपमा ३० दिनसम्म निःशुल्क अनलाइन गीत सुन्न तथा डाउनलोड गर्न सकिने सुविधा प्रदान गरेको छ । ग्राहकले एस्ट्रिक्स३२४ह्यास डायल गरी एनसेलको फोरजी सेवाका साथ योन्डर म्युजिकको निःशुल्क मजा लिन सक्नेछन्।
कोहलपुर र वीरेन्द्रनगरमा फोरजी सेवा बिस्तारसँगै एनसेलको फोरजी सेवा देशका १९ सहरमा पुगेको छ । एनसेलले पहिलो पटक जेठ १८ मा काठमाडौं उपत्यका (नगरकोटसहित), बनेपा र धुलिखेलमा फोरजी सेवा सञ्चालनमा ल्याएको थियो।
प्रतिक्रिया दिनुहोस !
