कारको ठक्करबाट एकै परिवारका चार घाइते
घोराही : कारले ठक्कर दिँदा दाङमा एकै घरका चार जना घाइते भएका छन् । कारको ठक्करबाट घोराही ११ नारायणपुर घर भएका दुर्गाराम चौधरी (४५), उनकी श्रीमती जगमति चौधरी(३५), छोरी १४ वर्षीया आरती चौधरी र दुई वर्षीय छोरा समर चौधरी घाइते भएको जिल्ला प्रहरी कार्यालय दाङले जनाएको छ ।
शुक्रबार राति ८ बजे घोराहीबाट तुलसीपुर जादै गरेको बा १४ च ८२६ नंम्वरको कारले घोराही उपमहानगरपालिका ११ बुटलीडाडा नारायणपुरमा पैदल यात्रा गरिरहेका उनीहरुलाई ठक्कर दिएर घाइते बनाएको हो ।
घाइते चारै जनालाई जिल्लामा सामान्य उपचार पछि कोहरपुर मेडिकल कजेलका पठाइएको र अहिले कोहरपुरमा उपचार भइरहेको दाङ जिल्ला प्रहरी प्रमुख दुर्गा सिह चन्दले जानकारी दिइन् । ठक्कर दिने कार प्रहरीले नियन्त्रणमा लिए पनि चालक भने फरार रहेको प्रहरीले बताएको छ ।
प्रतिक्रिया दिनुहोस !
