कमला नदीले बगाएर भुजेलको मृत्यु
सिन्धुली: सिन्धुलीमा कमलानदीले बगाउँदा एक जनाको मृत्यु भएको प्रहरीले जनाएको छ।नदीमा आएको बाढीले बगाउँदा कमलामाई नगरपालिका १० कुलोखोला बस्ने भक्तबहादुर भुजेलकी श्रीमती वर्ष ५२ की अम्बिका भुजेलको मृत्यु भएको प्रहरीले जनायो।
भुजेललाई शनिबार बिहान करीब १० बजेको समयमा कमला नदी तर्ने क्रममा बगाएको थियो।उनको शव झण्डै एक किलोमिटर तल कमलानदीले बगाएर पुर्याएको अवस्थामा भेटीएको सिन्धुलीका प्रहरी प्रमुख टिकाबहादुर केसीले जानकारी दिए।
मृतक भुजेलको शव अहिले पोष्ट मार्टमका लागि सिन्धुली अस्पताल ल्याउने तयारी भइरहेको छ। यस क्षेत्रमा वर्षौंदेखी एउटा झोलुङ्गे पुलसम्म निर्माण गर्न नसक्दा वर्षेनी कमला नदी वारपार गर्दा आधा दर्जनबढी स्थानीयको कमला नदीले बगाएर यसरीनै ज्यान जाने गरेको स्थानीय बताए।
प्रतिक्रिया दिनुहोस !
