पौने तीन लाखसहित आठ जुवाडे पक्राउ

तुलसीपुर : जुवा खेलिरहेको अवस्थामा ठूलो रकम सहित आठ जना जुवाडेलाई प्रहरीले नियन्त्रणमा लिएको छ । दंगीशरण गाउँपालिकाको एक घरमा रहेको जुवा अड्डामा छापा मार्दा जुवा खेल्ने गिरोहका आठ जना सहित पौने तीन लाख रुपैया नियन्त्रणमा लिएको प्रहरीले जनाएको छ ।

 

बवई गाउँपालिका वडा नम्बर ६ चिसापानी गाउँबाट २ लाख ७८ हजार ९ सय १५ रुपैयाँ नगद सहित ८ जना जुवाडेलाई प्रहरीले पक्राउ गरेको हो । इलाका प्रहरी कार्यालय तुलसीपुरका अनुसार पक्राउ पर्नेमा विनोद गिरी, मिनु गिरी, डिल बहादुर घर्ती, विजय बुढा, सोवेन्द्र देवकोटा, खिम बहादुर रावत, प्रकाश डाँगी र राम बहादुर भण्डारी रहेका छन् । उनीहरुको साथबाट तास, कौडासहित २ लाख ७८ हजार ९ सय १५ रुपैयाँ नगद बरामद गरिएको छ ।

सुराकीको आधारमा खटिएको प्रहरी टोलीले अशोक डाँगीको घरमा जुवा खेलिरहेको अवस्थामा ८ जनालाई पक्राउ गरेको इलाका प्रहरी कार्यालय तुलसीपुरले जनाएको छ । प्रहरीले नियन्त्रणमा लिएका जुवाडेलाई जुवा ऐन अन्र्तगत मुद्धा दायर गर्ने तयारी गरेको प्रहरीले जनाएको छ । चाडपर्ब नजिकिदै गर्दा रमाइलोका नाममा जुवाको धन्दा नै चलाउनेलाई दाङ प्रहरीले दैनिक जसो पक्राउ गर्दै आएको जिल्ला प्रहरी कार्यालयले जनाएको छ । यस अघि पनि प्रहरीले दैनिक जसो जुवाडे नियन्त्रणमा लिएको छ ।