नयाँ दिल्ली (भारत) चीन जानु अघि भारतका प्रधानमन्त्री नरेन्द्र मोदीले आइतबार मन्त्रीमण्डलको विस्तार गरेका छन् ।
प्रधानमन्त्रीले आफ्नो नेतृत्वको मन्त्रीमण्डलमा आएका नयाँ सदस्यलाई बधाई दिएका छन् । मन्त्रीमण्डलमा स्वागत गर्दै मोदीले नयाँ सदस्यको अनुभव तथा ज्ञानले आफ्नो सरकारमा ठूलो महत्व राख्ने विश्वास व्यक्त गरे ।
प्रधानमन्धी मोदीले भने “मैले आज सपथ लिने सवैजनालाई बधाई दिन चाहन्छु । तपाईहरूको ज्ञान र अनुभवले मन्त्रीमण्डलमा ठूलो महत्व राख्ने छ ।”
पुनर्गठित नौ मन्त्रीहरूमध्ये चारलाई ‘क्याविनेट’ मन्त्रीका रूपमा ल्याइएको छ । सवै जना मन्त्रीले आइतबार नै पद तथा गोपनियताको सपथ लिएका छन् ।
प्रधानमन्त्री मोदीले मन्त्रीमण्डल बिस्तार गरेको यो तेस्रो पटक हो ।
विस्तारसँगै मुख्तर अव्वास नाग्भी, धर्मेन्द्र प्रधान, पियुष गोयल र निर्मला सितारमणलाई मन्त्रीपरिषदमा पदोन्नती गरिएको छ भने नौ जनालाई राज्य मन्त्रीमा नियुक्त गरिएको छ । यससँगै भारतीय मन्त्रीपरिषदमा २७ क्याविनेट मन्त्रीसहित ७६ सदस्य पुगेको छ ।
प्रधानन्त्री नरेन्द्र मोदीद्वारा आइतवार गरेको मन्त्रीमण्डल विस्तारपछि निर्मला सीतारमणलाई रक्षा एवम् पीयूष गोयललाई रेल मन्त्रालयको जिम्मेवारी दिइएको छ । त्यसैगरी उमा भारतीलाई जल संशाधन, नदी विकास एवम् गङगा संरक्षण मन्त्रालयको जिम्मेवारी दिइएको छ । धर्मेन्द्र प्रधानलाई पेट्रोलियम मन्त्रालय तथा कौशल विकास मन्त्रालयको जिम्मेवारी दिइएको छ । सुरेश प्रभुलाई रेल मन्त्रालयबाट उद्योग तथा वाणिज्य मन्त्री बनाइएको छ । रासस/ पीटीआई/ सिन्ह्वा
प्रतिक्रिया दिनुहोस !
