५ बर्षीय बालिका बलात्कारको आरोपमा एक पक्राउ
गाईघाट :पाँच बर्षीया बालिका बलात्कारको आरोपमा शनिबार राति उदयपुरमा एक युवा पक्राउ परेका छन् । पक्राउ पर्नेमा त्रियुगा नगरपालिका ३ पश्चिमटोल चाँपका १८ वर्षीय धुव्र भनिने हेमबहादुर कार्की रहेका छन् ।
आइतबार साँझ बालिकाकी आमा घरबाहिर काम गर्दै गरेको अवस्थामा कोठाभित्र टिभी हेर्दै गरेको मौका छोपी कार्कीले बलात्कार गरेको पीडित पक्षको भनाई छ । पक्राउ परेका युवालाई प्रहरी हिरासतमा राखि अनुसन्धान प्रकृया सुरु गरिएको जिल्ला प्रहरी कार्यालयका प्रमुख एसपी नवराज भट्टले जानकारी दिए । पीडितको अइतबार नै जिल्ला अस्पतालमा स्वास्थ्य परीक्षण गरिएको छ ।
स्थानीयका अनुसार आरोपित विगत २/३ बर्षअघि देखि नै विभिन्न घटनामा मुछिदै आएका व्यक्ति हुन् । १२ कक्षामा अध्ययन गर्दै आएका आरोपित कार्की कहिले पैसा चोरी त कहिले लागुऔषध सेवनकर्ताको आरोपमा पक्राउ पर्दै स्थानीय समझदारीपछि छुटदै आएको स्थानीयको भनाई छ ।
प्रतिक्रिया दिनुहोस !
