बालिका बलात्कारको आरोपमा युवक पक्राउ
गाईघाट: पाँच बर्षीया बालिका बलात्कारको आरोपमा आईतबार राती उदयपुरमा एक युवा पक्राउ परेकाछन्। पक्राउ पर्नेमा त्रियुगा नगरपालिका ३ पश्चिमटोल चाँपका १८ बर्षीय ध्रुव भनिने हेमबहादुर कार्की रहेका छन्।
आईतबार साँझ बालिकाकी आमा घरवाहिर काम गर्दै गरेको अबश्थामा कोठाभित्र टिभि हेर्दै गरेको मौकाछोपी आरोपितले बलात्कार गरेको पीडित पक्षको भनाई छ।
पक्राउ परेका युवालाई प्रहरी हिरासतमा राखि अनुसन्धान प्रकृया सुरु गरिएको जिल्ला प्रहरी कार्यालयका प्रमुख एसपी नवराज भट्टले जानकारी दिए। पीडितको आईतबार नै जिल्ला अस्पतालमा स्वास्थ्य परीक्षण गरिएको छ।
स्थानीयका अनुसार आरोपित विगत २÷३ बर्षअघि देखि नै विभिन्न घटनामा मुछिदै आएका व्यक्ति हुन्।
१२ कक्षामा अध्ययन गर्दै आएका आरोपित कहिले पैसा चोरी त कहिले लागुऔषध सेवनकर्ताको आरोपमा पक्राउ पर्दै स्थानीय समझदारीपछि छुटदै आएको स्थानीयको भनाई छ।
प्रतिक्रिया दिनुहोस !
