एक वर्षपछि हत्याका अभियुक्त पक्राउ

सङ्खुवासभा: हत्याको अभियोगमा मकालु गाउँपालिका-५ का रामबहादुर राईलाई जिल्ला प्रहरी सङ्खुवासभाले पक्राउ गरेको छ। एक वर्ष अघि साल्पाशिलिछो गाउँपालिका-४, भोजपुरका सुवास तामाङको हत्या गरेर फरार रहेका २२ वर्षीय राईलाई कास्कीको पोखराबाट प्र्रहरीले पक्राउ गरेको हो।

 

२०७३ भदौ ११ गते मध्यराति तामाङ्को खाँदबारी-१ मा हत्या गरेका राईलाई सामाजिक सञ्जाल फेसबुक सहयोग मार्पmत पक्राउ गरेको हो । पोखराको न्यू झरना गेस्ट हाउसमा लुकेर कामदारको रुपमा काम गदै बसेको अवस्थामा उनलाई पक्राउ गरिएको प्रमुख डीएसपी सन्तोस खड्काले जानकारी दिए।

हत्यापछि भारतको हरियाणीमा केही समय काम गरेर पोखारा पुगेका राईलाई गरिएको डिएसपी खड्काले बताए। उनलाई कर्तव्य ज्यान मुद्धा दर्ता गरी थप अनुसन्धान सुरु गरिएको प्रहरीले जनाएको छ। पक्राउ परेका राईलाई प्रहरीले सोमबार सार्वजनिक गरेको हो।