अलपत्र बालबालिका आफन्तको जिम्मा लगाइयो

सन्धिखर्क : तीन महिना पहिला आमा र एकहप्ता पहिला बुवाले अलपत्र छाडेर गएका बालबालिकालाई सोमबार उनीहरुका काका लिल बहादुर पुनलाई जिम्मा लगाइएको छ ।
सुर्योदय महिला बचत तथा सहकारी संस्थाले संचालनमा ल्याएको सेभ हाउसमा झन्डै ३० घण्टा स्याहार गरी राखिएका ती बालबालिकालाई विभिन्न ब्यक्तिहरुको रोहबरमा जिम्मा लगाइएको हो ।

बालबालिकाका बुबा आफ्नै भाइको मृत्यु भएका कारण हंशपुर ८ छहरा गएको बुझिएको छ । निजका भाइ भारतबाट घर आउदा आउदै सेभ हाउसका महिलाहरुले खबर गरेपछि सेभ हाउसमा आई ‘दाजु भाउजुले अलपत्र पारेपनि आफ्नै छोराछोरी जस्तै गरी पाल्ने’ भन्दै पुनले जिम्मा लिएका हुन ।
ती वालवालिका सन्धिखर्क नगरपालिका १२ डिभर्नाको जर्रे खोलामा बेबारिसे अबस्थामा भेटिएका थिए ।