काठमाडौं : राउन्ड टेबल नेपालले आफ्नो १८औं राष्ट्रिय वार्षिक साधारणसभा पोखरामा सम्पन्न गरेको छ । राउन्ड टेबल नेपाल शून्य खर्च संस्था हो । यसबाट उठेको सम्पूर्ण रकम विद्यालय निर्माण र बालबालिकाको पठनपाठन खर्च गरिनेछ । साधारणसभाले जयन्त अग्रवाललाई आरटीएन अध्यक्षमा चयन गरेको छ ।
नयाँ वोर्ड गठनअन्तर्गत रवि खेतान उपाध्यक्ष, सौरभ केडिया सचिव, अश्वनी बंसल कोषाध्यक्ष र अमित मोरे सम्पादकमा नियुक्त भएका छन् । निखिल जयसानी यस संस्थाका निर्वतमान अध्यक्ष हुन् । साधारणसभामा भारत, बंगलादेश, श्रीलंका तथा जर्मनीका अन्तर्राष्ट्रिय राउन्ड टेबलअन्तर्गतका सदस्य सहभागी थिए । राउन्ड टेबल नेपाल एक सामाजिक संस्था हो । यो विपन्न बालबालिकालाई शैक्षिक पूर्वाधार निर्माणमा सक्रिय छ । संस्थाले रक्तदान, बाढिपहिरो पीडितको उत्थानका लागि विभिन्न कार्यक्रम गरिरहेको छ ।
प्रतिक्रिया दिनुहोस !
