काठमाडौं : शंखमूलस्थित लालीगुराँस माध्यमिक विद्यालय तथा कलेज तीन विद्यामा उत्कृष्ट भएको छ । मिडिया एन्ड इन्टरटेन्मेन्टले मुलुकभरका ७ सय ४४ माध्यमिक विद्यालयबीच मंगलबार राजधानीमा गरेको प्रतिस्पर्धामा लालीगुराँस तीन विद्यामा उत्कृष्ट भएको हो ।
उक्त विद्यालयले बेस्ट कलेज अफ द इयर, म्यानेजमेन्ट अफ द इयर र बेस्ट प्रिन्सिपल अफ द इयर–२०१७ प्राप्त गरेको छ । कार्यक्रममा भानुभक्त पोखरेललाई संस्थाका तर्फबाट पुरस्कार प्रदान गरिएको थियो । उक्त अवसरमा कानुन तथा संसदीय व्यवस्थामन्त्री दिलमान पाख्रिनले पुरस्कृत सबैलाई बधाई दिए । २०५६ सालमा स्थापना भएको कलेजले देशको शिक्षाक्षेत्रमा पुर्याएको योगदानको कदर गर्दै उक्त अवार्ड प्रदान गरिएको छ ।
प्रतिक्रिया दिनुहोस !
