जिप दुर्घटनामा सात घाइते
कुश्मा : पर्वत जिल्लाको कुस्मा नगरपालिका-४ छमर्केमा आइतबार दिउँसो भएको जिप दुर्घटनामा सात यात्रु घाइते भएका छन्। बाग्लुङ पोखरा सडक खण्डमा पोखराबाट म्याग्दी तर्फ जादै गरेको ग १ ज ६५९३ नम्बरको जिप अनियन्त्रित भएर पल्टिदा जिपमा सवार चालकसहित सात यात्रुहरु घाइते भएका हुन्।
घाइते सबैलाई उपचारका लागि जिल्ला अस्पताल पर्वतमा लगिएको र घाइते मध्ये म्याग्दीको रघुगंगा गाउँपालिका -७ बस्ने ६० वर्षीया गौमाया पाइजा सोही स्थानकी हरिमाया रोक्का, विष्णुमाया पुनलाई भने थप उपचारको लगि पोखरास्थित गण्डकी अस्पताल रिफर गरिएको छ।
अन्य चालकसहित ४ जनाको पर्वत जिल्ला अस्पतालमै उपचार भइरहेको र अवस्था सामान्य रहेको जिल्ला प्रहरी कार्यालय पर्वतले जनाएको छ।
घटनास्थलमा जिल्ला प्रहरी कार्यालयबाट गएको १० जनाको प्रहरी टोलीले घाइतेहको उद्दार गरेको प्रहरी निरीक्षक लिलाराज लामिछानेले जानकारी दिए।
प्रतिक्रिया दिनुहोस !
