मोटरसाइकल दुर्घटनामा चालकको ज्यान गयो
गुल्मी: मोटरसाइकल दुर्घटना हुँदा मंगलबार बिहान रुरु गाउँपालिका-३ निवासी २३ वर्षीय राजु सारुको मृत्यु भएको छ।
ना १७ प २४८१ नंको मोटरसाइकलमा सवार सारु सदरमुकाम तम्घासबाट रिडी जाने क्रममा मंगलबार बिहान रुरु गाउँपालिका-३ स्थित फलाटेमा दुर्घटनामा परेको जिल्ला प्रहरी कार्यालयका प्रहरी उपरीक्षक अनुरागकुमार द्विवेदीले बताए।
दुर्घटनामा परी घाइते सारुको रुरु स्वास्थ्य संस्थामा उपचारका क्रममा मृत्यु भएको हो।दुर्घटनामा उनीसँगै सवार रुरु गाउँपालिका-३ निवासी २१ वर्षीय ईश्वरी रावतसमेत घाइते भएकामा स्थानीय स्वास्थ्य संस्थामा उपचार भइरहेको प्रहरीले जनाएको छ।तीव्रगतिमा रहेको उक्त मोटरसाइकल अनियन्त्रित भई सडकबाट केही तल खसेको थियो। रासस
प्रतिक्रिया दिनुहोस !
