गौशला नगरपालिकामा माओवादी अघिअघि, फोरम पछिपछि

महोत्तरी : महोत्तरीको गौशाला नगरपालिकामा नेकपा (माओवादी केन्द्र)को अग्रता कायमै रहेको छ । दिउँसो संघीय समाजवादी फोरम नेपालले माओवादीलाई पछि परेर पहिलो स्थानमा आएको थियो । तर, अहिले माओवादी नै पहिलो स्थानमा रहेको छ ।

माओवादी केन्द्रले मेयर उम्मेदवारले दुई हजार ६ सय ३४ ल्याएका छन् भने उपमेयरले दुई हजा ६ सय २९ ल्याएको छ । संघीय समाजवादी फोरम नेपालका मेयर उम्मेदवार दुई हजार ३ सय मत ल्याएर मओवादीलाई पछ्याइरहेका छन् । फोरमकी उपमेयर उम्मेदवार २ हजार २ सय ७९ मत ल्याएर माओवादीलाई पछ्याइरहेकी छिन्।

गौशालामा नेपाली कांग्रेसले मेयरमा १ हजार ९ सय ४ र उपमेयरमा २ हजार ५६ मत प्राप्त गरेको छ भने, राजपा नेपालको मेयरले १ हजार ४ सय २३ मत प्राप्त गरेका छन् भने उपमेयरमा १ हजार ८ सय १६ मत प्राप्त गरेको छ ।

गौशालामा विजयी
गौशाला नगरपालिकाको १२ वडा मध्य ५ वडाको मत परिणम सार्वजनिक भएको छ । गौशाला नगरपालिकाको १ मा माओवादी केन्द्रका वडा अध्यक्ष भिमबहादुर मगर विजयी भएका छन् । गौशाला २ मा संघीय समाजवादी फोरम नेपालका वडा अध्यक्षका उमेदवार शेक शलामले जित हात पारेका छन् ।

त्यसैगी वडा नम्बर ३ मा नेपाली कांग्रेसका वीरेन्द्र चौधरी विजयी भएका छन् । गौशाला ४ मा माओवादी केन्द्रका रामबाबु साह विजयी भएका छन्।

माओवादी केन्द्रकै तर्फबाट गौशाला ७ मा विष्णु दनुवार विजयी भएका छन् । उनले विपक्षी राजपाका भोजराज साहलाई ३ मतको अन्तरले हराउँदै विष्णु जित हात परेका हुन् । फेरि मत गणनाको माग गर्दै भोजराजले निर्वाचन अधिकारी समक्ष निवेदन दर्ता गराउँदै छन् ।