बाराको कलैया उपमहानगरपालिकामा कांग्रेस विजयी
बारा : कलैया उपमहानगरपालिकामा नेपाली कांग्रेसले जित हात पारेको छ । उपमहानगरपालिकाको मेयरमा कांग्रेसका राजेश यादव र उपमेयरमा कांग्रेसकी रहिमा खातुन बिजयी भएका हुन् । यादवले एमालेका उम्मेदवार बिनोद साह भन्दा १८७ मतबढी ल्याउदै विजयी भएका हुन् । कांग्रेसका उम्मेदवार यादवले १०९०३ मत प्राप्त गर्दा एमालेका साहले १०७१६ मत पाएका छन् । उपमेयरमा खातुनले १०५३८ मत प्राप्त गर्दै जित हात पारिन् ।
एमालेकी उम्मेदवार प्रतिमा यादवले १०३७२ मत प्राप्त गरेकी छिन् । खातुनले यादव भन्दा १६६ मत बढी ल्याउदै जित हात पारेकी हुन् । यो संगै कांग्रेसले बाराको १६ स्थानीय तह मध्ये ६ स्थानमा जित हात पारेको छ । नेकपा माओवादी केन्द्रसंग गठबन्धन गरेर निजगढ नगरपालिकामा जित हात पारेको कांग्रेसले अन्य स्थानमा एक्लै चुनाव लडेर विजय प्राप्त गरेको हो ।
कांग्रेसले कलैया उपमहानगरपालिका, निजगढ नगरपालिकासहित सिम्रौनगढ नगरपालिका, महागढीमाई नगरपालिका, बारागढी गाउँपालिका र करैयामाई गाउपालिकामा जित हात पारेको छ । एमालेले भने दुई स्थानमा जितेको छ । जीतपुरसिमरा उपमहानगरपालिका र कोल्हवी नगरपालिकामा एमालेका उम्मेदवार विजयी भएका छन् ।
संघीय समाजवादी फोरमले चार स्थानमा जित हात पारेको छ । पचरौता नगरपालिका, सुवर्ण गाउँपालिका, फेटा गाउँपालिका, आदर्श कोतवाल गाउँपालिकामा फोरमले जित हात पार्दा राष्ट्रिय जनता पार्टीले तीन स्थानमा जित हासिल गर्यो । राजपाले प्रसौनी गाउँपालिका, परवानीपुर गाउँपालिका र देवताल गाउँपालिकामा विजय प्राप्त गरेको छ । नेपाल लोकतान्त्रिक फोरमले भने एक मात्र बिश्रामपुर गाउपालिकामा जितेको छ । नेकपा माओवादी केन्द्रको नजिता बारामा शुन्य देखिएको छ । माओवादीले बाराको कुनै पनि स्थानीय तहमा जित हासिल गर्न सकेन् ।
को कहाँ बिजयी ?
जीतपुरसिमरा उपमहानगरपालिका मेयर र उपमेयरमा एमाले बिजयी
मेयर - डा. कृष्ण पौडेल (१४४८५) उपमेयर- सरस्वती चौधरी (१४४५९)
कलैया उपमहानगरपालिका मेयर र उपमेयरमा कांग्रेस बिजयी
मेयर- राजेश यादव (१०९०३) उपमेयर रहिमा खातुन (१०५३८)
निजगढ नगरपालिका मेयरमा कांग्रेस-माओवादी गठबन्धन बिजयी, उपमेयरमा एमाले
मेयर- सुरेश खनाल (७६४८) उपमेयर- लिला खनाल लामिछाने (६७७३)
कोल्हवी नगरपालिका मेयर र उपमेयरमा एमाले बिजयी
मेयर- भरत भण्डारी (७४०१) उपमेयर-सुनैना चौधरी (७३०८)
सिम्रौनगढ नगरपालिकामा मेयरमा कांग्रेस, उपमेयरमा राजपा बिजयी
मेयर- बिजय यादज (५१३४) उपमेयर- रिता कुशवाहा (५५१४)
महागढीमाई नगरपालिका मेयर र उपमेयरमा कांग्रेस बिजयी
मेयर- उपेन्द्र यादव (५७६५) उपमेयर तारादेवी कानु (५३७५)
पचरौता नगरपालिका मेयरमा ससफो, उपमेयरमा राजपा बिजयी
मेयर- रमेशकुमार यादव (२६४२) उपमेयर- ईन्दुकुमारी (२५४६)
देवताल गाउपालिका प्रमुख र उपप्रमुखमा राजपा बिजयी
प्रमुख- चन्दनकुमार सिंह (२३३०) उपप्रमुख- रामपती देवी महतो (२१५३)
करैयामाई गाउपालिका प्रमुख र उपप्रमुखमा कांग्रेस बिजयी
प्रमुख- भुमेश्वर धामी (३३२९) उपप्रमुख- चित्ररेखा चौधरी (३३७२)
बिश्रामपुर गाउपालिका प्रमुख र उपप्रमुखमा नेपाल लोकतान्त्रिक फोरम बिजयी
प्रमुख- अमिरिलाल राउत (३६३७) उपप्रमुख- सुमित्रादेवी (२३१४)
फेटा गाउपालिका प्रमुख र उपप्रमुखमा ससफो बिजयी
प्रमुख- अमिलाल प्रसाद (२६११) उपप्रमुख- कमसुल खातुन (२१६९)
सुवर्ण गाउपालिका प्रमुख र उपप्रमुखमा ससफो बिजयी
प्रमुख- महेन्द्रप्रसाद यादव (३०६५) उपप्रमुख- बबिता यादव (३४७५)
परवानीपुर गाउपालिका प्रमुख र उपप्रमुखमा राजपा बिजयी
प्रमुख- हरिनारायण साह (२६७७) उपप्रमुख- सावित्रिदेवी (२४७१)
प्रसौनी गाउपालिकामा प्रमुख र उपप्रमुखमा राजपा बिजयी
प्रमुख- भोलाप्रसाद गुप्ता (२४३८) उपप्रमुख- गिता साह (२५८२)
आदर्श कोतवाल गाउपालिका प्रमुख र उपप्रमुखमा संघिय समाजवादी फोरम बिजयी
प्रमुख- मुस्तुफा अंसारी (२७८२) उपप्रमुख पुनमदेवी (२०७५)
बारागढी गाउपालिका प्रमुखमा कांग्रेस र उपप्रमुखमा संघिय समाजवादी फोरम बिजयी
प्रमुख- देवदत्त थारु (२६१८) उपप्रमुख लक्ष्मीदेवी राय (२५८०)
प्रतिक्रिया दिनुहोस !
