रंगेहात लागुऔषध कारोबारी पक्राउ गर्ने प्रहरीमाथि आक्रमण
आँबुखैरेनी : इलाका प्रहरी कार्यालय आँबुखैरेनीले लागुऔषध कारोबारीलाई रंगेहात पक्राउ गरेको छ । लागुऔषध खरिद बिक्री गरिरहेको अवस्थामा आँबुखैरेनी गाउँपालिका २ छिम्केश्वरी मन्दिर परिसरबाट मुख्य आरोपी जीवन भनिने गिरबहादुर थापा, ढकालटार निवासी गोपी गुरुङ, लम्जुङ निवासी सागर गुरुङ र डिना गुरुङ लागुऔषधसहित पक्राउ परेका हुन्।
उनीहरुको साथबाट डाइजेपामसहित १०७ थान लागुऔषध प्रयोग गर्ने एम्पुल पनि बरामद गरिएको प्रहरी निरीक्षक लोकबहादुर गुरुङले जानकारी दिए ।
पक्राउको क्रममा मुख्य आरोपी जीवनको आक्रमणमा परी दुई प्रहरी घाइते समेत भएका छन् । प्रहरी हवल्दार भरत बस्ताकोटी र प्रहरी जवान हिमाल राना घाइते भएका प्रहरी निरीक्षक गुरुङले जानकारी दिए ।
अभियुक्त चारैजनालाई जिल्ला अदालत तनहूँबाट म्याद लिएर अनुसन्धान प्रक्रिया अघि बढाइएको छ । आँबुखैरेनी बजारमा यसअघि पनि लागुऔषध प्रयोग तथा खरिदबिक्री गर्ने घटनाहरु बारम्बार भइरहेका छन् ।
प्रतिक्रिया दिनुहोस !
