सेलेनासँग विवाह गर्ने सोचमा विकेन्ड
अमेरिकी पप गायिका सेलेना गोमेजको चाँडै विवाह हुने सम्भावना देखिएको छ । केही समयको डेटिङपछि उनका प्रेमी र्यापर द विकेन्डले जीवनमा केही नयाँ योजना बनाएको बताएका छन् । विकेन्डले सेलेनाप्रति निकै समर्पित भएको, आफ्नो मनले खोजेजस्तो गर्लफ्रेन्ड पाएको भन्दै उनीसँग विवाह गर्न चाहेको स्पष्ट पारेका हुन् । केही साताअघि किड्नी प्रत्यारोपण गरेकी सेलेना अहिले आराम गरिरहेकी छन् ।यता प्रेमी विकेन्ड आफ्नो वर्ल्ड टुरको समापनको तरखरमा छन् । यो टुर सकिनेबित्तिकै सेलेनालाई विवाहको प्रस्ताव राख्ने उनले बताएका छन् ।
उनले नयाँ वर्षको पूर्वसन्ध्यामा सेलेनालाई आफ्नो बनाउने सोचमा रहेको पनि जनाएका छन् । किड्नीमा समस्या भएपछि गत मे महिनामा सेलेनाकी बेस्ट फ्रेन्ड २९ वर्षीया फ्रेन्सिया रेजाले किड्नी दान गरेपछि उनले नयाँ जीवन पाएकी हुन् । उनी द विकेन्डको सांगीतिक कार्यक्रम हेर्न गएको समयमा बिरामी भएकी थिइन् ।
सेलेनालाई अप्ठ्यारो परेका बेला वल्र्ड टुरको कारण उनीसँगै रहन नपाएकोमा विकेन्डले चिन्ता व्यक्त गरेका थिए । टाढा भए पनि सेलेनाको प्रत्येक पल ख्याल गरिरहेको र पनि उनले बताएका छन् । विकेन्डले सेलेनालाई हरपल साथ दिन चाहेको र सेलेनाको कुनै पनि दु:ख हेर्न नचाहेको स्पष्ट पारेका छन् । सेलेनाको किड्नी प्रत्यारोपणपछि आफूहरूको प्रेम झनै बलियो भएको पनि विकेन्डले स्पष्ट पारेका छन् । २५ वर्षीया सेलेनाको गायक जस्टिन बाइबरसँगको सम्बन्ध ब्रेकअपपछि विकेन्डसँग अफेयर सुरु भएको हो ।
प्रतिक्रिया दिनुहोस !
