वीरेन्द्रनगर च्यालेन्ज कपको उपाधी रत्न यूथलाई
दमक: मोरङको पथरीशनिश्चरेमा सम्पन्न पूर्वाञ्चल स्तरीय सातौ वीरेन्द्रनगर च्यालेन्ज कप क्रिकेट प्रतियोगिताको उपाधी रत्न यूथ क्लब पथरीले जितेको छ। प्रतियोगिता अन्तर्गत मंगलबार सम्पन्न फाईनल खेलमा पथरीशनिश्चरे-११ लाई ६४ रनको फराकिलो अन्तरले पराजित गर्दै रत्नले उपाधी उचालेको हो। रत्नले दिएको १ सय २१ रनको लक्ष्य पछ्याएर ब्याटिङ गरेको पथरीशनिश्चरे १३ दशमलब ४ ओभरमा मात्र ५६ रनमा समेटियो।
पथरीशनिश्चरे ११ का लागि राकेश दाहालले १६ र राजु राईले १३ रन बनाउन बाहेक अन्य ब्याट्सम्यानले संझन लायक प्रर्दशन गर्न सकेनन । पथरी शनिश्चरे ११ लाई सस्तैमा समेट्नका लागि मेहबुब आलम, विजेन्द्र झा, अमृत सिंह र प्रवेश कामतीले २÷२ विकेट लिए ।
यसअघि टस हारेर पहिले ब्याटिङ गरेको रत्न युथ क्लबले १९ दशमलब १ ओभरमा अल आउट हुँदै १ सय २० रनको योगफल तयार पारेको थियो । रत्नका लागि रोनित सिंहले २७ र अमृत सिंहले २२ रन बनाए । पथरी शनिश्चरे ११ का सुमन इजम लिम्बु र संकर भुजेलले समान ३/३ विकेट लिए ।
उपाधि सँगै रत्न यूथ क्लबले नगद ५१ हजार रुपैयाँ सगै ट्रफी मेडल प्राप्त गरेको छ । उपविजेतामा चित्त बुझाएको पथरी शनिश्चरे–११ ले नगद ३१ हजार रुपैयाँ सँगै ट्रफी मेडल र प्रमाण पत्र प्राप्त ग¥यो । फाईनल खेलको म्यान अफ द म्याच रत्न युथका अमृत सिंह घोषित भए ।
त्यस्तै म्यान अफ द सिरिज घोषित तथा वेष्ट व्याट्सम्यान भएका रत्नकै निरितिया खडोलियाले १० हजार रुपैयाँ बरारको मोबाईल प्राप्त गरे । प्रतियोगिताको वेष्ट वलर पथरीशनिश्चरे ११ का सुमन इजम लिम्बु र वेष्ट फिल्डर आयोजक वीरेन्द्रनगर क्रिकेट क्लबका विवेक कोईराला घोषित भए । असोज १९ गतेबाट संचालन भएको प्रतियोगितामा पूर्वाञ्चलका १९ टोलीको सहभागिता रहेको थियो ।