गर्भावस्थाको फोटोसुट गर्ने रहर

भर्खर २०औं वर्षमा प्रवेश गरेकी हलिउड रियालिटी स्टार केली जेनरले ‘प्रेग्नेन्सी फोटोसुट’ गर्ने चाहना व्यक्त गरेकी छन् । केलीको यो चाहनाको खुलासासँगै उनी अहिले गर्भवती भएको प्रसंगले हलिउडमा चर्चा पाएको छ । प्रेम, रोमान्स, सेक्समा विन्दास केलीको ग्ल्यामरस छविले हलिउडमा बेलाबेला हंगामा नै मच्चाउने गरेको छ । केलीले आफू विश्वविख्यात गायिका बियोन्सको ठूलो फ्यान भएकाले उनले जस्तै ‘प्रेग्नेन्सी फोटोसुट’ गर्ने चाहना व्यक्त गरेकी हुन् । गायिका बियोन्सले पनि ‘प्रेग्नेन्सी फोटोसुट’ गरी सामाजिक सञ्जालमार्फत सार्वजनिक गरेपछि भाइरल बनेको थियो ।

आफूले पनि बियोन्सले जस्तै जुम्ल्याहा बच्चा जन्माउन लागेको खुलासा पनि गरेकी छन । ‘फरक यत्ति हो बियोन्स ३६ वर्षको उमेरमा गर्भवती भइन्, म २० वर्षमा ।’ बियोन्सले जसरी गर्भावस्थामा सुन्दर र स्मरणीय फोटोसुट गराएकी थिइन् आफू त्यसबाट अत्यन्तै प्रभावित भएको केलीको भनाइ छ । ‘प्रेग्नेन्सी फोटोसुट’का लागि विभिन्न पोजको तयारी र अभ्याससमेत आफूले गरिरहेको उनको बताएकी छन् ।गर्भावस्थाका फोटोहरू इन्स्टाग्राममा राख्न चाहेको र ती तस्बिरहरू सबैभन्दा बढी रुचाइने उनले विश्वस्त पनि व्यक्त गरेकी छन् ।

ती फोटोमार्फत केलीले आफ्नी दिदी किम कादर्सिनको रेकर्डसमेत तोड्न चाहेको बताएकी छन् । तर यी कुराहरू औपचारिक रूपमा सार्वजनिक गरेपछि आफूलाई लाज लागेको समेत उनले बताएकी छन् । उनले भनेकी छन्, ‘तर सामाजिक सञ्जालमा यस्ता तस्बिर र भिडियो राख्न लाज लागेको छ ।’ बियोन्सको जुम्ल्याहा बच्चाको तस्बिर इन्टरनेटमा सबैभन्दा धेरै हेरिएको र खोजिएको थियो । केली पनि त्यसैबाट प्रेरित भएकी हुन् ।