यी हुन् लिम्बुवान सुनसरीका उम्मेदवार

धरान : मंसिर २१ गते हुने प्रतिनिधिसभा र प्रदेशसभा निर्वाचनका लागि संघीय लोकतान्त्रिक राष्ट्रिय मञ्च सम्बद्ध संघीय लिम्बुवान मञ्च नेपालले सुनसरीका चार निर्वाचन क्षेत्रका उमेदवारको नाम चयन गरेको छ। पार्टीले सुनसरीका चारवटै निर्वाचन क्षेत्रबाट प्रतिनिधिसभा र प्रदेशसभाका लागि उमेद्वार चयन गरेको हो।

संघीय लिम्बुवान मञ्च नेपाल सुनसरीले शनिबार धरानमा पत्रकार सम्मेलन गरी उमेद्वारको नाम सार्वजनिक गरेको हो। मञ्चका सुनसरी अध्यक्ष अमर इजमले सुनसरी क्षेत्र नम्बर १ बाट प्रतिनिधिसभाका लागि भूपुडीएसपी कृष्णमान थेबे, क्षेत्र नम्बर २ बाट इन्द्र कन्दङ्वा, क्षेत्र नम्बर ३ बाट प्रेम तुम्बापो र क्षेत्र नम्बर ४ बाट धु्रवकुमार खड्कालाई उमेद्वार बनाएको जानकारी दिए।

इजमका अनुसार प्रदेशसभा निर्वाचनमा सुनसरी क्षेत्र नम्बर १ क र ख बाट क्रमशः पूर्णबहादुर चोङबाङ र भुपेन्द्र सुन्दर लावतीलाई उमेद्वार बनाएको छ। प्रदेश तर्फ क्षेत्र नम्बर २ बाट टीका ढुंगेल, अशोककुमार पाल, क्षेत्र नम्बर ३ बाट चन्द्रबहादुर लिम्बु र राजेश चौधरीलाई उमेद्वार बताउको उनको भनाइ छ।

लिम्बुवान पार्टीले क्षेत्र नम्बर ४ बाट प्रदेशसभाका लागि सूर्यबहादुर लिम्बु र अब्बास मियाँलाई उमेद्वार बनाएर निर्वाचनको प्रचार प्रसार सुरु गरेको छ। सुनसरीमा ठूला दल कांग्रेस, एमाले र माओवादीले भने उमेद्वारको टुंगो लगाउन सकेका छैनन्।