खुमबहादुर खड्काका भतिजा कांग्रेस (विपी)बाट दाङ १ का उम्मेदवार
दाङ : मंसिर २१ गते हुने प्रतिनिधिसभाका लागि नेपाली काँग्रेसका नेता तथा अशोक खडकाले काँग्रेसबाट फुटेको नेपाली काँग्रेस वीपी पार्टीबाट दाङ क्षेत्र नं १ मा उम्मेदवारी दिने भएका छन् । खडका काँग्रेसका प्रभावशाली नेता खुमबहादुर खड्काका भतिजा पनि हुन् । उनी २० ५४ सालमा नेविसंघ क्षेत्र नं १को अध्यक्ष भएका थिए ।
हरिबोल भट्टराई केन्द्रीय अध्यक्ष रहेको काँग्रेस वीपी पाटीले यो निर्वाचनमा २६ जिल्लामा उम्मेदवार उठाउने तयारी गरेको अध्यक्ष भट्टराईले बताए । अध्यक्ष भट्टराई काठमाडौ १ बाट चुनाव लड्दै छन् । दाङ १ बाट जिल्ला संयोजक अशोक खड्कालाई जिम्मा दिइएको उनले जानकारी दिए । प्रदेशसभा नेपाली काङ्ग्रेस(विपी)दाङले प्रतिनिधि र प्रदेश सभाको निर्वाचनमा सबै ठाउँबाट उम्मेदवारी दिने संयोजक खड्काले बताए । ‘मेरो केन्द्रीय समितिले निर्णय गरेको छ', उनले भने,‘अन्य क्षेत्र र प्रदेशको १५ गते सम्म जिल्लामै टुङगाउँछौ ।'
नेपाली काङ्ग्रेस(विपी) दाङका जिल्ला संयोजक खड्काले पत्रकार सम्मेलनको आयोजना गरी आगामी मंसिर २१ गते हुने प्रतिनिधि र प्रदेशसभाको निर्वाचनमा नेपाली कांग्रेस(विपी)ले प्रतिनिधि सभाका लागि तीन र प्रदेश सभाको लागी ६ क्षेत्रवाट उम्मेदवारी दिने घोषणा गरेका छन् ।
पार्टीको चारतारे झण्डा र चुनाव चिन्ह कलस रहेको उनले जानकारी दिए । खड्काले काँग्रेस पार्टी र सभापति वीपीको विचारमा विचलन भएको भन्दै त्यसलाई सहिबाटोमा लगाउन पाटी खोलिएको बताए । उनले वीपी पार्टीलाई प्रभावशाली नेता खुम बहादुर खड्काले पनि साथ दिने अपेक्षा पाटीले गरेको बताए ।
‘विपीको सिद्धान्तलाई आत्मसाथ गर्दै हाम्रो पार्टी अघि वढेको छ, यो पार्टीनै आधिकारीक हो',उनले भने,‘ २०७४ असार २८मा आधिकारिकता पाएका छौ ।'