कांग्रेस लोकतन्त्र विरोधी : ओली

कांग्रेस लोकतन्त्र विरोधी : ओली

दमक : एमाले अध्यक्ष केपी शर्मा ओली गृहनगर दमकमा आएर कांग्रेसप्रति आक्रमक रुपमा प्रस्तुत भएका छन् । उनले कांग्रेस लोकतन्त्र बिरोधी रहेको बताए ।कांग्रेसले विकास र समृद्धि कहिले नचाहेको उनको आरोप थियो । सरकारमा बसेर आफै निर्वाचन आचारसंहिता विपरीत काम गरेको भन्दै ओलीले देउवाप्रति आक्रोश व्यक्त गरे ।

 शुक्रबार प्रेस चौतारी जिल्ला कमिटी झापाले दमकमा आयोजना गरेको पत्रकार भेटघाट कार्यक्रममा बोल्दै उनले भने,‘आचारसंहिता पालना भए नभएको सरकारले हेर्नुपर्ने उल्टो सरकार नै आचारसंहिता विपरीत काम गरिरहेको छ ।' शान्तिपूर्ण रुपमा निर्वाचन सम्पन्न गराउनु सरकारको दायित्व रहेको उनको भनाई थियो । लोकतन्त्रको उर्दी लाएर मात्र नहुने बताउदै उनले भने- ‘लोकतन्त्र कसैले लाउने नारा होइन, यो त एउटा जिवन हाक्ने पद्धती हो ।' लोकतन्त्रको मसिहा ठान्ने कांग्रेस आफै लोकतन्त्रबिरोधी काममा तल्लिन रहेको उनको आरोप थियो ।

प्रतिनिधिसभा र प्रदेशसभाको निर्वाचन पछि बाम गठबन्धनको बहुमतको सरकार बन्ने ओलीले दाबी गरे । उनले अब बन्ने स्थिर सरकारले विकास तथा समृद्धिको ढोका खोल्ने बताए । बहुमतको सरकारले संबिधानको पूर्ण कार्यन्वयन समेत गराउने उनको दाबी थियो । उन्नति र प्रगतिका लागि संबिधान कार्यन्वयन प्रमुख कुरा रहेको बताउदै ओलीले अब बिस्तारै मुलुक समृद्धितर्फ उन्मुख हुदै गएको बताए । देश बनाउन संकल्प चाहिने भन्दै उनले त्यो संकल्प एमालेसँग रहेको बताए ।

कार्यक्रममा एमाले केन्द्रीय अनुशासन कमिटीका सदस्य अर्जुन राईले सुशासन, विकास र स्थानीय कानुन कार्यन्वयनका लागि आफूले क्षेत्र नम्बर ५ को प्रदेशसभा तर्फको उम्मेद्धारी दिएको बताए ।

 

 

 


प्रतिक्रिया दिनुहोस !

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.