राप्रपा दाङको समर्थन काँग्रेसलाई, कम्युनिस्टका बागीले फिर्ता लिएनन्

घोराही :  राप्रपा प्रजातान्त्रिकबाट प्रदेशसभामा उम्मेदवारी दिएका इश्वरी प्रसाद घिमिरेले काँग्रेस उम्मेदवारलाई समर्थन गर्दै आफनो उम्मेदवारी फिर्ता लिएका छन् । आइतबार बिहान घोराहीमा पत्रकार सम्मेलन गरी घिमिरेले दाङ क्षेत्र नम्बर ३ (क) मा राप्रपा प्रजातान्त्रिकको तर्फबाट आफनो उम्मेदवारी रहेको भन्दै अब आफूले काँग्रेसका उम्मेदवार कमल किशोर घिमिरेलाई सहयोग गर्ने गरी उम्मेदवारी फिर्ता गरेको घोषणा गरेका हुन् ।

उनले काग्रेस नै देशको हितमा लाग्ने र विकासमा समर्पित भएको पाटी भएकाले आफनो सहयोग काँग्रेस उम्मेदवार घिमिरेलाई रहने बताए ।

तर कम्युनिस्टका बागी उम्मेदवारले आफ्नो उम्मेदवारी फिर्ता लिएका छैनन् । दोस्रो चरणको निर्वाचनका लागि पतिनिधि सभा तथा प्रदेश सभाको लागि उम्मेदवारी दिएकाहरुले आज आफनो उम्मेदवारी फिर्ता लिन सक्ने भएपनि अहिलेसम्म फिर्ता लिने कसैले खबर नगरेको निर्वाचन कार्यालय दाङे जानकारी दिएको छ ।

वाम गठबन्धनविरुद्ध बागी उम्मेदवारी दिएका एमाले र माओवालीका कोमल ओली र कुवेर ओली फकाउन पार्टी नेतृत्व क्रियाशील देखिएको छ । माओवादी केन्द्रका पोलिटब्यूरो सदस्य कुवेर ओली ३(क)बाट प्रदेश सभामा पार्टीका आधिकारिक उम्मेदवार जगप्रसाद शर्माको विरुद्ध बागी दिएका छन् । त्यसै गरेर ३ बाट प्रतिनिधि सभाको लागि पाटीका आधिकारिक उम्मेदवार हिराचन्द्र केसीको बागी एमाले नेतृ कोमल ओली छिन् । यी दुबैलाई फकाउन उम्मेदवारी दिएदेखि केन्द्रीय तथा जिल्ला स्तरिय नेताहरु लागि परेका छन् । ३ ख मा उत्तर ओलीको बागी वाइसिएलका जिल्ला सचिव गोविन्द भण्डारी छन् ।