बागी फिर्ता भएपछि उपाध्यायलाई केही सहज
कपिलवस्तु : पूर्व राजदूत दीपकुमार उपाध्यायविरुद्ध बागी उम्मेदवारी दिएका नेपाली कांग्रेसका नेता दुर्गा सेनले आधिकारिक उम्मेदवार उपाध्यायलाई सहयोग गर्ने घोषणा गरेका छन् । नेपाली कांग्रेस निर्वाचन परिचालन समितिले सोमबार तौलिहवामा आयोजना गरेको पत्रकार सम्मेलनमा सेनले उम्मेद्वारी फिर्ता लिएको घोषणा गरेका हुन् ।
कांग्रेसका महासमिति सदस्य समेत रहेका उनले आइतबार उम्मेदवारी फिर्ताको समयसम्म पनि उम्मेदवारी फिर्ता नलिई चुनाव चिह्न किताव लिई चुनावमा होमिएका थिए ।
पार्टीको टिकट वितरण प्रक्रियाप्रति असन्तुष्टि व्यक्त गर्दै बागी उम्मेदवारी दर्ता गरेका उनले पार्टी नेतृत्वसँगको विभिन्न चरणको छलफल पश्चात् आफुले आधिकारिक उम्मेदवार उपाध्यायलाई सहयोग गर्ने निर्णय गरेको बताए । उनले भने–‘अब म दीपकुमारको चुनावी प्रचारमा खटिएर लाग्छु । ’
सेनले उम्मेदवारी फिर्ता गरे पछि जिल्लाका कांग्रेसका कार्यकर्ता खुसी भएका छन् ।
प्रतिक्रिया दिनुहोस !
