भक्तपुर : मध्यपुर थिमि नगरपालिका स्थित दिव्यश्वरी जग्गा एकीकरण आयोजनाभित्र ट्याक्सीमा एक पुरुषको शव फेला परेको छ। महानगरीय प्रहरी परिसर भक्तपुरका अनुसार बा १ ज १०४० नम्बरको ट्याक्सीभित्र नाम नखुलेका व्यक्ति मृत भेटिएका हुन्।
परिसरका प्रवक्ता प्रहरी नायव उपरीक्षक कृष्ण प्रसाईंले घटनाबारे अनुसन्धान अगाडि बढाइएको जानकारी दिए। मृत भेटिएका व्यक्तिको टाउकोमा चोट लागेको र त्यो आलै रहेको प्रसाईंले बताए। घटनाको प्रकृति हेर्दा बुधबार बिहानै भएको हुन सक्ने उनले जानकारी दिए।
मृत भेटिएका व्यक्ति ट्याक्सी चालक हुन सक्ने प्रहरीको अनुमान छ। शव पोस्ट मार्टमका लागि त्रिवि शिक्षण अस्पताल पठाइएको छ।
प्रतिक्रिया दिनुहोस !
