विप्लवको पार्टीका जिल्ला इन्चार्ज र सेक्रेटरीसहित चार पक्राउ

विप्लवको पार्टीका जिल्ला इन्चार्ज र सेक्रेटरीसहित चार पक्राउ

रोल्पा : नेत्रविक्रम चन्द ‘विप्लव’ नेतृत्वको नेपाल कम्युनिस्ट पार्टी रोल्पाका जिल्ला इन्चार्ज र सेक्रेटरीसहित चार जनालाई प्रहरीले बुधबार पक्राउ गरेको छ । इन्चार्ज दलबहादुर खत्री ‘जागृति’ , सेक्रेटरी सन्तोष सुवेदी ‘प्रयास’, कार्यकर्ता रामसिंह घर्ती र श्यामबहादुर घर्ती पक्राउ परेका हुन् ।

प्रतिनिधिसभा र प्रदेशसभाको निर्वाचन खारेजीको अभियानमा जुटेका विप्लवका नेता र कार्यकर्तालाई प्रहरीले पक्राउ गरेको हो । लिबाङमा शून्य मतदान गराउनका लागि उनीहरुले भित्ते लेखन समेत गर्दै आएका थिए । पक्राउ परेका सबैलाई जिल्ला प्रहरी कार्यालयमा ल्याइएको छ ।

चुनाव विरोधी गतिविधिमा संलग्न भएको र सेक्रेटरी प्रयासका नाममा सार्वजनिक मुद्दा समेत रहेको सुरक्षा स्रोतले जनाएको छ । चुनाव खारेज गर्ने अभियानमा जुटेका नेकपाका नेता कार्यकर्ता अर्धभूमिगत अवस्थामा रहेको प्रहरीको दाबी छ ।

स्थानीय तहको चुनावमा थबाङका स्थानीय नेता कार्यकर्ताले स्वतन्त्रबाट चुनाव उपयोग गरेका थिए । विप्लवका कार्यकर्ताले स्थानीय तहको चुनाव विथोल्न धबाङ, जिनाबाङलगायत मतदान स्थलका मतपेटिकामा एसिड खन्याएका थिए ।

प्रहरीले विप्लवका कार्यकर्ताको पछिल्लो गतिविधिले मंसिर १० गते हुने प्रतिनिधिसभा र प्रदेशसभाको चुनावी तयारीमा चुनौती थपिएको भन्दै उनीहरुका गतिविधिलाई निगरानी गरिराखेको छ ।


प्रतिक्रिया दिनुहोस !

सम्बन्धित खबर

Unity

working together is no longer optional-it is a matter of compulsion

Annapurna Media Network has announced the Unity for Sustainability campaign which comes into force from January 1, 2022. The main aim of this campaign is to 'lead the climate change dialogue' working closely with all the stakeholders on sustainable development mode, particulary focusing on climate-change issues.