अस्पतालकै बेडबाट विप्लवका मेची व्यूरो इन्चार्ज पक्राउ
ताप्लेजुङ : चुनाव खारेजी अभियान चलाइरहेको नेत्रविक्रम चन्द नेतृत्वको नेपाल कम्युनिष्ट निर्टीका मेची व्यूरो इन्चार्ज ४० वर्षीय सन्तोष पतङवा (सुमन) लाई प्रहरीले पक्राउ गरेको छ ।सुमनलाई न्यूरो अस्पताल विराटनगर मोरङबाट कात्र्तिक २३ गते बेलुकी साढे ६ बजे प्रहरीले गिरफ्तार गरेको हो ।
कातिक १६ गते मोटरसाइकल दुर्घटनामा परेका इन्चार्ज सुमनलाई सोही दिनदेखि न्यूरोमा उचारका लागि भर्ना गरिएको थियो । अस्पतालको बेडबाटै प्रहरीले गिरफ्तार गरेको सुमनकी पत्नी २८ वर्षीया विमला हाङवाङ पतङवाले बताइन् । पक्राउको विषयमा प्रहरीसँग बुझ्दा सोधपुछका लागि लगेको प्रतिक्रिया दिएको उनले बताइन् ।
दुर्घटना हुँदा टाउकोभित्र ब्लड जमेकाले अप्रशेनका लागि औषधि सेवन गर्नुपर्ने डाक्टरको सुझाव अनुसार अप्रेशन गर्न र नियमित औषधि सेवन गर्ने बातावरण बनाइदिन पत्नी विमलाले सम्बन्धित पक्षसँग आग्रह गरेकी छिन् । उनले अन्नपूर्णसँग भनिन्,“उहाँ (पती)को चोट गम्भीर छ । विनासर्त रिहा गरि उपचार व्यवस्थापन गर्न आग्रह गर्छु ।'
यता ताप्लेजुङ जिल्ला इन्चार्ज आशिषले अस्पतालबाटै प्रहरीले गिरफ्तार गरेकोप्रति आपत्ति जनाएका छन् । सुमनलाई विना सर्त रिहा नगरिए संगठन र कार्यकर्ता रक्षाका लागि पार्टीले प्रतिकार गर्ने चेतावनी दिएका छन् ।
प्रतिक्रिया दिनुहोस !
