मत दिनुहोस्, मधेस सरकार दिन्छौं: उपेन्द्र यादव
बर्दिबास: संघीय समाजवादी फोरम नेपालका अध्यक्ष उपेन्द्र यादवले मधेस सरकार बनाउन आफ्नो पार्टीलाई मत दिन मतदातासँग आग्रह गरेका छन्। शनिबार महोत्तरीको भंगहा नगरपालिका-३ बिर्तामा आयोजित चुनावीसभालाई सम्बोधन गर्दै अध्यक्ष यादवले भने, 'मत दिनुहोस्, मधेस सरकार दिन्छौं।त्यसकारण हामीलाई मधेश राज्य स्थापना गर्न मत दिनुस्।'
उनले प्रदेश नम्बर २ लाई मधेसी अधिकारसहितको राज्य स्थापित गर्न, संविधान संशोधन एवम संविधानमा विभेदरहित हकअधिकार संविधानमा स्थापित गर्नका लागि आफुहरु विना अवरोध चुनावमा सहभागी अध्यक्ष बताए।
उनले भने, 'संविधानलाई संशोधन गरि पुर्नलेखन भएमात्र मधेशीहरुको हकहितमा संविधानमा उल्लेख हुन्छ।'कार्यक्रमा प्रतिनिधीसभा उम्मेदवार लक्ष्मी महतो, रामकुमारी देवी महतो लगायतले सम्बोधन गरेका थिए।
प्रतिक्रिया दिनुहोस !
