काठमाडौं : मलेसियामा जारी एसीसी यू-१९ एसिया कप क्रिकेट प्रतियोगिताको सेमिफाइनलमा अहिले नेपाल अफगानिस्तानसँग प्रतिस्पर्धा गरिरहेको छ । किनरारा ओभलमा भएको खेलमा अफगानिस्तानले टस जिति नेपाललाई ब्याटिङको निम्ता दिएको छ ।
अपडेट : पानी परेपछि खेल रोकिएको छ । १८ ओभर अफगानिस्तानले १ विकेट गुमाएर ९४ रन बनाएको छ ।
अफगानिस्तानले जवाफी व्याटिङ सुरु गरिरहेको छ । नेपालले अफगानिस्तानको पहिलो विकेट लिएको छ । छैटौं ओभरको पहिलो बलमा कमलसिंह ऐरीले विकेट लिएका छन् । ६ ओभर सकिँदा अफगानिस्तानको स्कोर २४ रन छ ।
नेपालले अफगानिस्तानलाई १०४ रनको झिनु लक्ष्य दिएको छ । २८ ओभरमा सबै विकेट गुमाइ १०३ रन मात्रै बनाउँन सक्यो
नेपालको ९ विकेट गुम्यो २५ औं ओभरमा कमल ऐरी शुन्य रनमै आउट भएका छन् ।
आठौं विकेट पतन भएको छ । किशोर महतो शून्य रनमा आउट भएका छन् ।
नेपाल संकटमा परेको छ नेपालको सातौ विकेटको रुपमा अनिल कुमार शाह आउट भएका छन्
नेपालको ६ विकेट गुमेको छ। २३ औं ओभरमा पवन सराफ आउट भएका छन् ।
अनिल कुमार शाहले अर्धशतक बनाएका छन् । ५६ बलको सामना गरेका उनले ७ चौका र १ छक्का प्रहार गरी अर्धशतक बनाएका हुन् ।
नोपलको पाँचौ विकेट गुमेको छ । भीम सार्की रन आउट भएका छन् ।
नेपालले निरन्तर खराब प्रदर्शन गरि राखेको छ । १२ ओभरमा रोहित कुमार पौडेल आउट भएका छन् । ७ बलको सामना गरेका उनले ४ रन मात्रै हाने । यो सँगै नेपालको चौथो विकेट गुमेको छ ।
नेपाललाई ठूलो झड्का, १० औं ओभरमा कप्तान दिपेन्द्र सिंह ऐरी आउट भएका छन् । ऐरीले २० बलमा एक चौकासहित २ रन मात्रै बनाउँन सके ।
सातौ ओभरमा नेपालले १४ रन जोडेको छ । कप्तान ऐरीले १ र अनिल शाहले २ चौका हानेका छन्
चौथो ओभरमा नेपालको दोस्रो विकेट गुमेको छ । जितेन्द्र सिंह आउट भएका छन् । कप्तान दिपेन्द्र ऐरी व्याटिङमा आएका छन्
दोस्रो ओभरमा नेपालले पहिलो विकेट गुमाएको छ । आसिफ शेख आउट भएका छन् ।
बिहीबारको पहिलो सेमिफाइलनमा बंगलादेशलाई हराउँदै पाकिस्तान फाइनलमा पुग्न सफल भएको छ । २०१२ देखि यू-१९ एसियाकप खेल्न सुरु गरेको नेपाल पहिलो पटक सेमिफाइनलमा पुगेको हो । समूह चरणमा डिफेन्डिङ च्याम्पियन भारत र मलेसियालाई हराउँदै नेपालले सेमिफाइलनमा स्थान बनाउँन सफल भएको हो ।
लाइभ हेर्नोस्
प्रतिक्रिया दिनुहोस !
