एसीसी यू-१९ एसिया कप : नेपाल अफगानिस्तानसँग ७ विकेटले पराजित
एसीसी यू–१९ एसिया कप क्रिकेट प्रतियोगिताको सेमिफाइनलममा नेपाल अफगानिस्तानसँग ७ विकेटले पराजित भएको छ । अफगानिस्तानले नेपालले दिएको १०४ रनको लक्ष्य २०.३ ओभरमा ३ विकटको क्षतिमा पूरा गरी फाइलनमा प्रवेश गर्न सफल भयो। नेपालका लागि सन्दीप लामिछाने, कलम ऐरी र पवन सर्राफले एक–एक विकेट लिए ।
क्वालालम्पुरको किनरारा ओभलमा भएको खेलमा अफगानिस्तानले टस जिती फिल्डिङ रोजेको थियो । पहिले व्याटिङ गरेको नेपालले २८ ओभरका अलआउट हुँदै १०३ रन बनाएको थियो । नेपालका लागि अनिलकुमार शाहले ५० रन बनाउनु बाहेक अन्न व्याट्म्यान चल्न सकेनन् । समूह चरणमा भारतविरुद्ध उत्कृष्ट प्रदर्शन गरेका कप्तान दिपेन्द्रसिंह ऐरी ६ रन बनाएर आउट भए । नेपालको इनिङ ध्वस्त बनाउँने क्रममा अफानिस्तानका मुजिब रहमान एक्लैले ६ विकेट लिए।
सन २०१२ देखि एसियाली क्रिकेट काउन्सिल (एसीसी)यू–१९ युथ एसिया कप क्रिकेट प्रतियोगिता खेल्न थालेको नेपा ल पहिलो पटक सेमिफाइलनमा पुगेको हो
समूह चरणको पहिलो खेलमा बंगलादेशसँग २ विकेटले पराजित नेपालले डिफेन्डिङ च्याम्पियन भारतलाई १९ रनले हराई इतिहास रच्न सफल भएको थियो । मलेसियालाई ८ विकेटले हराई सेमिफाइलनमा पुगेको नेपाल चीरप्रतिद्वन्द्वी अफगानिस्तानसँग हार व्यहोर्दै फाइनल यात्रा तय गर्न असफल भयो ।
अफगानिस्तान पहिलो पटक युवा एसिया कपको फाइनलमा पुगेको छ । बिहीबार भएको पहिलो सेमिफाइनल खेलमा बंगलादेशलाई हराउँदै पाकिस्तान फाइलनमा पुगेको छ । उपाधिका लागि आइतबार पाकिस्तान र अफगानिस्तान भिड्नेछन् ।