गलकोटमा चित्रबहादुर केसीको भोट
बागलुङ : राष्ट्रिय जनमोर्चाका अध्यक्ष चित्रबहादुर केसीले आइतबार पहिलो चरणको प्रतिनिधिसभा तथा प्रदेशसभा निर्वाचनमा गृहजिल्लाको गलकोटमा मतदान गरेका छन्।
गलकोट नगरपालिका–९, मल्मको लक्ष्मीनारायण आधारभूत विद्यालय केन्द्र पुगी केसीले बिहान ७ बजे मतदान गरेका हुन्। केसीले मतदान गरेपछि अरू मतदाताले उत्साहजनक रूपमा मतदान गरेको सहायक मतदान अधिकृत ससबहादुर पुनले बताए।
सहकारी तथा गरिबी निवारण राज्यमन्त्री चम्पादेवी खड्काले बागलुङ नगरपालिकाकै बालमन्दिर आधारभूत विद्यालय केन्द्रबाट मतदान गरेकी छन्।
यो जिल्लामा एमाले, माओवादी केन्द्र र राष्ट्रिय जनमोर्चा चुनावी एकता गरेर मैदानमा उत्रिएका छन्। कांग्रेस राष्ट्रिय प्रजातन्त्र पार्टीको समर्थनमा चुनावी मैदानमा छ।