‘नेता भेट्न चुनाव चाहियो’

सन्धिखर्क: जताजतै जंगल। रात परेपछि अन्धकार । आमसञ्चारका माध्यम पत्रपत्रिका, रेडियो र टेलिभिजन सर्वसाधारणको पहुँचबाट निकै टाढा । एक घरबाट अर्को घर जंगलै जंगलको बाटो भएर जानुपर्ने, त्यो पनि निकै बेर हिँडेपछि मात्र पुगिने। सिद्धाराका धेरै ठाउँमा टेलिफोनले काम गर्दैन ।

भौगोलिक रूपमा देशकै ठूलो तर जिल्लाको विकट सीतगंगा नगरपालिकाको परिचय हो, यो । त्यही सञ्चारविहीन बस्तीमा जंगल छिचोल्दै नेता पुगेका छन् । विकास गर्न होइन, उही पुरानैै आश्वासन दोहो¥याउन । सिद्धारा, सिमलपानी, जलुुकेलगायत क्षेत्रका स्थानीय चाँडो चाँडो चुनाव आउँदा नेता यसैगरी गाउँ पस्थे भन्ने लागिरहेको छ । सिद्धाराका वृद्ध टामलाल पाण्डे भन्छन्, ‘चुुनाव हरेक महिना आए पनि हुुन्थ्यो । विकास नभए पनि मत माग्न आउँदा नेता देख्न त पाइन्थ्यो । चुुनाव सकिएपछि फर्केर आउने हैनन् ।’

सधैंजसो सुुनसान रहने जंगलबीचको गाउँमा फरक–फरक पार्टीका उम्मेदवार ‘डेक’ बजाएर, आमसभा गरी भोट माग्न नेताको लर्को लाग्ने गर्छ । उनीहरू आफूले पूरा गर्न नसक्ने एजेन्डा बताएर चुुनावी मैदानमा उत्रिएको मतदाता बताउँछन् । जलुुके लामातालका जुुनबहादुुर पुुलामीका अनुुसार आफूले जितेमा ३० वर्षदेखि अलपत्र नौमुुरे जलविद्युुत् आयोजना पूरा गर्छुु भन्ने आश्वासन धेरै नेताले दिएका छन् । पुुलामीले भने, ‘२०७० सालको चुुनावमा पनि नौमुुरे सुुरु गर्छौं भनेर उम्मेदवार विजयी भएर गए । अहिलेसम्म सुुरु नै भएन । अहिले पनि फेरि त्यही नारा बनेको छ ।’

यो क्षेत्रमा वाम गठबन्धनबाट टोपबहादुुर रायमाझी प्रतिनिधिसभाका उम्मेदवार बनेका छन् । मन्त्रीदेखि उपप्रधानमन्त्रीसम्म भइसकेका रायमाझी चुनावी अभियानको क्रममा पाँच वर्षभित्र नौमुुरे जलविद्युुत योजना सम्पन्न गर्ने, वैदेशिक रोजगारीमा गएका ५० हजार युुवालाई स्वदेश फर्काउनेदेखि रेल गुुडाउनेसम्मका चुुनावी एजेन्डामा भोट मागिरहेका छन् ।

उनका प्रतिस्पर्धी छन्, कांग्रेसका डा. रामबहादुुर बीसी । जिल्लालाई विकास निर्माणमा नमुना बनाउने बीसीको स्वास्थ्य क्षेत्रको सुधार गर्ने प्रतिबद्धता छ । उनी सांसदको तलब क्यान्सर पीडितको उपचारमा खर्चिने भनेर मत मागिरहेका छन् । प्रदेशसभामा कांग्रेसका हिम्मतबहादुुर टण्डन र एमालेबाट रामजी घिमिरेबीच प्रतिस्पर्धा हुँदैै छ ।