आर्मीलाई काँकडभिट्टा गोल्डकप
काँकडभिट्टा : त्रिभुवन आर्मी क्लबले झापाको काँकडभिट्टामा आयोजना भएको मेची नेत्रालय काँकडभिट्टा गोल्डकपको उपाधि जितेको छ । शुक्रबार काँकडभिट्टा माविको खेलमैदानमा भएको खेलमा मनाङ मस्र्याङ्दी क्लबलाई ३–२ गोलले हराउँदै आर्मीले उपाधि चुमेको हो ।
आर्मीले मनाङलाई टाइब्रेकरमा हराउँदै उपाधि जितेको हो । उपाधिसँगै आर्मीले नगद आठ लाख एक हजार पुरस्कार प्राप्त ग¥यो । उपविजेता बनेको मनाङले चार लाख एक हजारमा चित्त बुझायो ।
यो उपाधिसँगै आर्मीले यो सिजन तीन वटा गोल्डकप जितेको छ । आर्मीले वीरगन्जको विशाल मेमोरियलसँगै झापाकै सताक्षी गोल्डकप फुटबल प्रतियोगिताको उपाधि हात पारेको थियो ।
शुक्रबार निर्धारित ९० मिनेटको खेलमा दुवै टोलीबाट गोल हुन नसकेपछि अन्तिम निर्णयका लागि टाइब्रेकरको सहारा लिनु परेको थियो । टाइब्रेकरमा मनाङका अनिल गुरुङ, विमल बस्नेत, कमल श्रेष्ठ, हेमन गुरुङ र नीराजन मल्लले पेनाल्टी प्रहार गरेका थिए । अनिल, कमल र नीराजनको प्रहार आर्मीका गोलरक्षक विकेश कुथुले बचाएका थिए ।
आर्मीका नवयुग श्रेष्ठ, जितेन्द्र कार्की, सन्तोष तामाङ, पदम तामाङ र विवेक बस्नेत पेनाल्टी हानेका थिए । जितेन्द्र र पदमको प्रहार मनाङका गोलरक्षक दिनेश थापामगरले रोकेका थिए । शुक्रबारको खेलको म्यान अफ दी म्याच आर्मीका विकास खवास घोषित भए । उनले नगद १० हजार रुपैयाँ प्राप्त गरे ।
त्यसैगरी राइजिङ प्लेयरको उपाधि काँकडभिट्टा फुटबल क्लबका भूषण राई घोषित भए । उनले नगद २० हजार प्राप्त गरे । यसैगरी उत्कृष्ट गोलरक्षकको उपाधि आर्मीका विकेश कुथु घोषित भए । उनले पनि २० हजार नगद पुरस्कार हात पारे ।
प्रतियोगितामा सर्वाधिक गोलकर्ता आर्मीका दिनेश हेनजन बने । उनले नगद २५ हजार रुपैयाँ प्राप्त गरे । उत्कृष्ट मिडफिल्डरको उपाधि मनाङका विशाल राईले जिते । उनले नगद २० हजार प्राप्त गरे । मनाङका गोलरक्षक दिनेश थापामगर ५१ हजार पुरस्कारसहित प्लेयर अफ दी टुर्नामेन्ट घोषित भए । आर्मीका भरत खवास वेस्ट स्ट्राइकर र मनाङका प्रशिक्षक नवीन न्यौपाने प्रशिक्षक घोषित भए । उनीहरूले जनही २० हजार रुपैयाँ प्राप्त गरे ।
मंसिर ६ गतेबाट सुरु भएको प्रतियोगितामा आयोजक काँकडभिट्टा फुटबल ट्रेनिङ सेन्टरसहित झापा–११, रूपन्देही–११, मनाङ मस्र्याङदी क्लब, सशस्त्र प्रहरी बलको एपीएफ, त्रिभुवन आर्मी क्लब, नेपाल पुलिस क्लब, हिमालयन शेर्पा क्लब, सुदूरपश्चिम–११ र भारत कोलकाताको सुभाषचन्द्र ब्वाइज क्लबको सहभागिता रहेको थियो । विजेतालाई राष्ट्रिय खेलकुद परिषद्का सदस्यसचिव केशव विष्ट तथा मेची नेत्रालयका निर्देशक डा.शरदचन्द्र प्रकाश राईले पुरस्कार प्रदान गरे ।
प्रतिक्रिया दिनुहोस !
