'घर र ससुराली हुँदैमा माधव नेपालले चुनाव जित्दैनन्'
काठमाडौं : काठमाडौं क्षेत्र नं २ बाट नेपाली कांग्रेसको तर्फबाट प्रतिनिधिसभाका उम्मेदवार दिपक कुँइकेलले घर र ससुरालीको नाताले चुनाव नजितिने बताएका छन् । पूर्वप्रधानमन्त्री तथा एमाले नेता माधवकुमार नेपालका प्रतिस्पर्धीसमेत रहेका कुइँकेलले शनिबार कोटेश्वरमा आयोजित चुनावी सभालाई सम्बोधन गर्दै यस्तो बताएका हुन् । माधव नेपालले आफू यसै क्षेत्रको बासिन्दा र यसै क्षेत्रमा ससुराली भएको भन्दै चुनाव प्रचार गर्ने गरेको भन्दै उनले यस्तो व्यंग्य गरेका हुन्
यसअघि निर्वाचन जितेका माधव नेपालले यस क्षेत्रको विकास नगरेको भन्दै आफूले चुनाव जिते मात्रै यस क्षेत्रको विकास हुने दावी गरे । यस क्षेत्रमा दोस्रो संविधानसभाको निर्वाचनमा माधव नेपालले जितेका थिए । रौतहटबाट समेत जितेका माधव नेपालले यो क्षेत्र छाडेपछि भएको उप निर्वाचनमा कुइँकेल विजयी भएका थिए ।
प्रतिक्रिया दिनुहोस !
