नवलपरासीका दुई स्थानमा विस्फोट

परासी :  नवलपरासीका दुई मतदान केन्द्रमा बम विस्फोट भएको छ । मतदाताहरू भोट खसालिरहेको अवस्थामा पूर्वी नवलपरासीको देवचुली नगरपालिकास्थित दिपज्योती निमावि केन्द्र भित्र विष्फोट भएको हो । केन्द्रभित्र सुरक्षा व्यवस्था कडा पारिएको बताए पनि त्यसलाई चुनौती दिदै विस्फोट गराइको हो । कपडामा बेरेर राखेको बम विस्फोट भएपनि कुनै क्षति नभएको एसपी दिपेन्द्र जिसीले बताए ।

विस्फोटपछि अवरूद्व भएको मतदान प्रकृया एक घण्टापछि सुचारू भएको उनले बताए ।

त्यसैगरी पश्चिम नवलपरासीको बर्दघाट नगरपालिका भूताहास्थित राजापूर्णभद्र मावी केन्द्र नजिक विस्फोट भएपनि कुनै क्षति नभएको एसपी मुकुन्दराज आचार्यले बताए । टिनको वट्टामा सुतली बम बनाएर छाडेको वस्तु विष्फोट भएको हो ।