रौतहटमा १२ बजेसम्म ३० प्रतिशत मतदान
रौतहट: रौतहटमा मध्यान्ह १२ बजेसम्म ३० प्रतिशतभन्दा बढी मत खसेको छ।
मतदाताहरुमा उत्साह देखिएको छ। जिल्लामा रहेका ४ सय ४९ मतदान केन्द्रहरुमा शान्तिपूर्णरुपमा मतदान भइरहेको जिल्ला निर्वाचन कार्यालयले जनाएको छ। जिल्लामा तीन लाख २९ हजार मतदाता रहेका छन्।
रौतहट क्षेत्र न १ का राजपा नेपालका उम्मेदवार राजपा नेपालका अध्यक्ष मण्डलका सदस्य अनिल कुमार झाले मत्सरी स्थित सरस्वति उच्च माध्यमिक विद्यालयबाट मतदान गरेका छन्।
यस्तै विनाविभागीय मन्त्री प्रभु साहले रौतहट क्षेत्र न ३ स्थित मौलापुरमा रहेको प्रावि विद्यालय मतदान गरेका छन्। निर्वाचनलाई मध्यनजर गर्दै सुरक्षाव्यवस्था कडा पारिएको छ। जिल्लामा सात हजार भन्दा बढी सुरक्षाकर्मी परिचालन गरिएको प्रशासनले जनाएको छ।
प्रतिक्रिया दिनुहोस !
