भक्तपुरमा १ बजेसम्म ५० प्रतिशतभन्दा बढी मतदान
भक्तपुर : प्रतिनिधिसभा तथा प्रदेशसभाको दोस्रो चरणको निर्वाचन भक्तपुरमा शान्तिपूर्ण रुपमा अघि बढिरहेको छ। यहाँ दिनको १ बजेसम्म ५० प्रतिशतभन्दा बढी मतदान भएको मुख्य निर्वाचन अधिकृतको कार्यालयले जनाएको छ।
जाडो भएकाले बिहान मतदान गर्न आउने मतदाताको संख्या पातलो देखिन्छ। तर १० बजेपछि भने मतदाताहरुको लाइन लम्बिँदै आएको छ। कार्यालयका अनुसार भक्तपुरका ७८ वटा मतदान केन्द्रका दुई सय नौ वटै मतदानस्थलमा शान्तिपूर्ण रुपमा मतदान भइरहेको हो।
‘बिहान १० बजेअघिसम्म कुनै अप्रिय घटना भएको छैन’, भक्तपुरका प्रमुख जिल्ला अधिकारी द्रोण पोखरेलले भने, ‘सबैतिर उत्साहपूर्वक एवं शान्तिपूर्ण रुपमा मतदान भइरहेको जानकारीमा आएको छ।’
प्रतिक्रिया दिनुहोस !
