उपप्रधान मन्त्री श्रेष्ठले गरे मतदान
स्याङ्जा : प्रतिनिधिसभा २ का उम्मेदवार एवं उपप्रधान एवं शिक्षा मन्त्री गोपालमान श्रेष्ठले बिहीबार पुतलीबजार नगरपालिका ३ स्थित काजीमान हरिटिकाबाट मतदान गरेका छन्।
श्रेष्ठको मतदाता नामावलीमा नाम क्षेत्र नं. १ स्थित उनको जन्मस्थलो पुतलीखेतमा रहेको छ। यसपटक उनले दिएको मत उनका लागि भने हुनेछैन।
यसैगरी, नेपाली कांग्रेस प्रतिनिधिसभा १ का उम्मेदवार राजु थापाले पुतलीबजार नगरपालिका ४ स्थित फुलवारी माविबाट, प्रदेशसभा (क) का उम्मेदवार कमलप्रसाद पंगेनीले भीरकोट ६ स्थित भाग्योदय माविबाट, ख बाट तुलसी गिरीले पुतलीबजार नपा १४ श्रवण माविबाट मतदान गरेका छन्।
प्रतिनिधिसभा २ अन्र्तगत प्रदेश क का उम्मेदवार बिष्णुप्रसाद पौडेलले वालिङ स्थित फापरथुम बाट र प्रदेश ख का उम्मेदवार भागवतप्रकाश मल्लले चापाकोट स्थित सेखामबाट मतदान गरेका हुन।
यस्तै, प्रतिनिधिसमा १ मा नेकपा माओवादी गठबन्धनका उम्मेदवार नारायणप्रसाद मरासीनीले पुतलीबजार नगरपालिका १ त्रिभुवन आदर्श मावि, प्रदेशसभा क का उम्मेदवार दीपक चर्ती मगरले विरुवा स्थित जनजागृती मावि र प्रदेशसभा ख का उम्मेदवार मिनप्रसाद गुरुङ्ले पुतलीबजार ९ कोल्मा बराहचौर माविबाट मतदान गरे।
नेकपा माओवादी गठबन्धनबाट प्रतिनिधिसभा २ का उम्मेदवार पदमा अर्यालले वालिङ्को थुमपोखरा, प्रदेशसभा (क) का उम्मेदवार मोहन रेग्मीले वालिङ स्थित रणवीर मावि र प्रदेश ख का उम्मेदवार पारश शर्माले गल्याङ स्थित पक्वादी केन्द्रबाट मतदान गरेका छन्। उम्मेदवार मध्ये गोपालमान श्रेष्ठसहित कांग्रेसतर्फका कमलप्रसाद पंगेनी र बामगठबन्धनतर्फका मीनप्रसाद श्रेष्ठले पनि आफूले दिएको मत आफैंले नपाउने भएका हुन।
प्रतिक्रिया दिनुहोस !
