रोल्पामा वामगठबन्धनको अग्रता
रोल्पा : रोल्पामा प्रतिनिधिसभा र प्रदेश सभामा वामगठबन्धनका उम्मेदवारको अग्रता रहेको छ । मुख्य निर्वाचन अधिकृतको कार्यालयका अनुसार प्रतिनिधिसभातर्फ ८ हजार ८ सय ३५ मत गणना हुँदा वामगठबन्धनका उम्मेदवार एवं माओवादी केन्द्रका नेता वर्षमान पुन अनन्त ५ हजार ५१ ले अग्रता लिएका छन् । उनका प्रतिष्पर्धी लोकतान्त्रिक गठबन्धनका उम्मेदवारी एवं सिंचाई राज्यमन्त्री अमरसिंह पुनको २ हजार ६ सय ४९ मतले पछ्याउँदै आएका छन् ।
प्रदेशसभाका लागि निर्वाचन क्षेत्र नं क मा वामगठबन्धनका उम्मेदवार एवं माओवादी केन्द्रका नेता कुलप्रसाद केसी १ हजार ८ सय ९४ ले अघि छन । उनका प्रतिष्पर्धी नेपाली कांग्रेसका उम्मेदवार शेरबहादुर महराले १ हजार ४ सय ९७ मत ल्याएका छन् । क मा ३ हजार ९ सय ४३ मत गणना भएको छ ।
निर्वाचन क्षेत्र ख मा ५ हजार २५ मत गणना हुँदा माओवादी केन्द्रका उम्मेदवार दिपेन्द्रकुमार पुनले ३ हजार ७ सय ११ मत सहित अग्रता कायम गरेका छ्न् भने उनका प्रतिष्पर्धी नेपाली कांग्रेसका उम्मेदवार खगेन्द्रप्रकाश हमालले ८ सय ६१ मत ल्याएको मुख्य निर्वाचन अधिकृतको कार्यालयले जनाएको छ ।
प्रतिक्रिया दिनुहोस !
