दोलखामा वामगठबन्धनको फराकिलो मतान्तर
चरीकोट : दोलखामा वामगठबन्धनका उम्मेदवारहरुको फराकिलो मत मतान्तर आएको छ।पहिलो चरणमा निर्वाचन सम्पन्न भएको दोलखामा वामगठबन्धनबाट प्रतिनिधिसभाको उम्मेदवार बनेका एमाले नेता पार्वत गुरुङले ७ हजार ६ सय ६३ मत ल्याएका छन् भने लोकतान्त्रीक गठबन्धनबाट उम्मेदवार बनेका कांग्रेस नेता रुद्रबहादुर खड्काले ३ हजार १ सय ३६ मत ल्याएका छन्।
यस्तै वामगठबन्धन बाट प्रदेश सभा १ (क) तर्फ उम्मेदवार बनेका माओवादी केन्द्रका नेता विशाल खड्काले ६ हजार २ सय ३६ मत ल्याएका छन् भने लोकतान्त्रीक गठबन्धन बाट उम्मेदवार बनेका काँग्रेस नेता बर्मा लामाले २ हजार १ सय १ मत ल्याएका छन्।
यस्तै प्रदेश सभा अन्र्तगत क्षेत्र नम्बर २ मा वामगठबन्धनबाट उम्मेदवार बनेका एमाले नेता पशुपति चौलागाइको ४ हजार ६ सय ८० र लोकतान्त्रीक गठबन्धनबाट उम्मेदवार बनेका कांग्रेस नेता केशवराज चौलागाईको १ हजार ७ सय ७१ रहेको छ भने नेकपा मालेबाट उम्मेदवार बनेका लालकुमार केशीको १ हजार ४ सय ७२ रहेको मुख्य निर्वाचन कार्यालय दोलखाले जनाएको छ।
प्रतिक्रिया दिनुहोस !
