दैलेखमा मतगणना शुरु
दैलेख : दैलेखमा प्रतिनिधिसभा र प्रदेशसभा निर्वाचनको मतगणना दिउसो २ बजेवाट शुरु हुने तयारी गरिएको छ ।
जिल्लाका दुर्गमस्थानबाट मटपेटिका दिउसो १ वजेसम्ममा सदरमुकाम ल्याई पु¥याउने भएकाले मतगणना २ बजेवाट मात्र शुरु गरीने बुझिएको छ । आज विहान १० वजेदेखि वसेको राजनैतिक दलहरु सहितको सर्वपक्षिय वैठकवाट मतगणना कार्य सो समयमा गरीने निर्णय गरीएको हो । मतगणना निर्वाचन क्षेत्र नं.१ को जिल्ला अदालतको हल र निर्वाचन क्षेत्र नं. २ को सरकारी वकिल कार्यालयको भवनमा गरीने सर्वपक्षिय निर्णय गरीएको छ ।
अन्य जिल्लामा मतगणनास्थलमा तारजालीसहित तयारी गरीएको भएपनि दैलेखमा सिसी क्यामराको निगरानीमा मात्र गरिने सर्वदलिय सहमती भएको छ । मतगणनास्थलमा रहने राजनैतिक दलका प्रतिनिधीहरुलाई केहि टाढा वस्ने व्यवस्था मिलाईएको छ । राजनैतिक समझदारीको आधारमा मतगणनास्थल निर्माण गरीएको प्रमुख निर्वाचन अधिकृत सनतचन्द्र लवटले जानकारी दिएका छन् ।
दोस्रो चरण अन्तर्गत मंसिर २१ गते सम्पन्न निर्वाचनमा दैलेख जिल्लामा ६६ दशमलव ४७ प्रतिशत मत खसेको थियो ।
प्रतिक्रिया दिनुहोस !
