यस्तो छ ललितपुरको पछिल्लो मतपरिणाम
ललितपुर: ललितपुरमा मतगणना जारी छ। वाम गठबन्धन र नेपाली कांग्रेसका उम्मेदवारहरुबीच प्रतिस्पर्धा देखिएको छ। ललितपुर १ मा वाम गठबन्धनकातर्फबाट प्रतिनिधिसभा उम्मेदवार रहेका नेकपा एमालेका नेता नवराज सिलवालले अग्रता लिएका छन्। उनी १०५४ मतसहित अगाडि छन् भने नेपाली कांग्रेसका उम्मेदवार उदयशम्शेर राणा ८६२ मतसहित सिलवाललार्इ पछ्याइरहेका छन्।
यस्तै ललितपुर २ मा पनि वामगठबन्धनकै उम्मेदवारले अग्रता लिएका छन्। वामगठबन्धनका तर्फबाट प्रतिनिधिसभा उम्मेदवा रहेका कृष्णलाल महर्जन १२हजार १३२ मतसहित अगाडि छन् भने कांग्रेसका उम्मेदवार ७हजार ७२१मतका साथ पछ्याइरहेका छन्।
ललितपुर ३ भने कांग्रेसले अग्रता कायमै राखेको छ। कांग्रेसका तर्फबाट उम्मेदवार बनेका मदन अमात्य ८ हजार ७९३ मतसहित अगाडि छन् भने उनलार्इ माओवादीका उम्मेदवार पम्फा भूसालले पछ्याइरहेकी छिन्। उनले ८हजार ७७०मत ल्याएकी छिन्।
प्रतिक्रिया दिनुहोस !
