राजेन्द्र राईले अग्रता बढाए, सुनिल थापा हजार मतले पछाडि
धनकुटाः प्रतिनिधिसभा सदस्यतर्फ वामगठवन्धनका उम्मेदवार राजेन्द्र राई १ हजार मतसहित अगाडि छन्। ५ हजार मतगणना भइसक्दा वामगठवन्धनका राजेन्द्र राईले २८ सय १२ मत ल्याएका छन् भने लोकतान्त्रिक गठबन्धनका उम्मेदवार सुनिलबहादुर थापाले १८ सय १४ मत पाएका छन्।
त्यस्तै प्रदेशसभा अन्तर्गत धनकुटा-१ को २५ सय ३३ मत गणना भइसक्दा लोकतान्त्रिकका मनोहरनारायण श्रेष्ठको १ हजार ५३ र वामगठबन्धनका निरनकुमार राईको १ हजार ७७ मत रहेको
छ।
यसैगरी प्रदेशसभा अन्तर्गतकै धनकुटा-२ को २४ सय ७ मतगणना भइसक्दा वामगठबन्धनका इन्द्रमणी पराजुलीको १३ सय ८२ र लोकतान्त्रिक गठबन्धनका अर्जुन थापाको ७ सय १४ मत रहेको छ।
प्रतिनिधिसभामा २ सय ५५ मत बदर भएको छ। त्यस्तै प्रदेशसभा अन्तर्गत धनकुटा-१ मा १ सय ४१ र धनकुटा-२ मा १ सय २० मत बदर भएको छ।
जिल्ला निर्वाचन कार्यालय धनकुटाका सूचना अधिकारी केशव पौडेलले एउटै मतपत्रमा धेरै चिन्हमा स्वस्तिक छाप हानेको बताए।