मतान्तर बढाउँदै प्यूठानमा वामगठवन्धन
प्यूठान : प्यूठानमा शुरुवाती गणनादेखि वामगठवन्धनबाट प्रतिनिधिसभाका लागि उम्मेदवार बनेकी राजमोकी केन्द्रीय उपाध्यक्ष दुर्गा पौडेल अघि देखिएकी छन् । शुरुवाती मतगणनामा पौडेल र उनका प्रतिस्पर्धी लोकतान्त्रिक गठवन्धनबाट उम्मेदवार बनेका नेपाली कांग्रेसका प्रा.डा.गोविन्दराज पोख्रेलबीच ५१ मतको अन्तर थियो । शनिवार बिहान ९ बजेसम्म मतान्तर बढेर २ हजार एक सय १५ पुगेको छ । मतान्तर अझै बढ्नसक्ने अनुमान गरिएको छ । प्रतिनिधिसभा सदस्यका लागि एकमात्र निर्वाचन क्षेत्र रहेको जिल्लामा वामगठवन्धन र लोकतान्त्रिक गठवन्धनबीच प्रतिस्पर्धा भएको छ । प्रदेशसभाका लागि दुवै निर्वाचन क्षेत्रमा वामगठवन्धन अगाडि छ ।
प्रदेश १ का लागि वामगठवन्धनबाट एमालेका निवर्तमान अध्यक्ष हरी रिजाल र लोकतान्त्रिकबाट कांग्रेसका क्षेत्रीय सभापति टेक प्रसाद भण्डारी उम्मेदवार बनेका छन् । प्रदेश २ का लागि वागगठवन्धनबाट माओवादी केन्द्रका जिल्ला संयोजक कृष्णध्वज खड्का र लोकतान्त्रिकबाट नेपाली कांगेसका जिल्ला सभापति अमंरप्रसाद भण्डारी प्रतिस्पर्धामा छन् । जिल्लाभर एक लाख ३८ हजार ६ सय ४१ मतदाता रहेका छन् । यसमध्ये ६५ दशमलव ३१ प्रतिशत मत खसेको छ ।
प्रतिक्रिया दिनुहोस !
