मोरङ २ मा मिनेन्द्र रिजाल विजयी
विराटनगर: मोरङ निर्वाचन क्षेत्र नम्बर २ मा नेपाली कांग्रेसका नेता मिनेन्द्र रिजाल निर्वाचित भएका छन्। रिजालले वामगठबन्धनका उम्मेद्वार ऋषिकेश पोख्रेललाइ १ हजार ८ सय ५ मतले पछि पारेका हुन्।
दोस्रो संविधानसभा निर्वाचनमा एमालेबाट निर्वाचित बनेका पोख्रेलले यो पटक माओवादीको भोटसमेत आउँदा जित निश्चित भएको दावी गर्दै आएपनि उनले ३४ हजार १४ मत प्राप्त मात्र प्राप्त गरे भने विजयी रिजालले ३५ हजार ८ सय १९ मत प्राप्त गरे।
गिरिजाप्रसाद कोइरालाले यही क्षेत्रबाट निर्वाचन लड्दै आएका थिए। कांग्रेसको ऐतिहासिक महत्व बोकेको स्थानमा रिजाललाई उम्मेदवार बनाउँदा केही कार्यकर्ता असन्तुष्टसमेत बनेका थिए।
प्रतिक्रिया दिनुहोस !
