जाजरकोटमा शक्ति बस्नेत सहित वामगठबन्धन विजयी

जाजरकोट : जाजरकोट प्रतिनिधिसभा सदस्यमा वामगठबन्धनका उम्मेदवार शक्तिबहादुर बस्नेत विजयी भएका छन् । बस्नेत ३२ हजार २ सय ८१ मत ल्याएर विजयी भएका हुन् । उनका निकटम प्रतिद्वन्दी नेपाली कांग्रेसका राजिवविक्रम शाहले २३ हजार २ सय ८९ मत ल्याएका छन् । उनीहरु विच ८ हजार ९ सय ९२ मतान्तर भएको हो ।
यस अघि जाजरकोट क्षेत्र नं १ बाट विजयी बस्नेत माओवादी केन्द्रका सचिवालय सदस्य तथा ६ नं प्रदेश ईन्चार्ज हुन् । पुर्व गृहमन्त्री बस्नेत र कांग्रेस उम्मेदवार शाह विच कडा टक्कर हुने ठानिएपनि बस्नेतले फराकिलो मतान्तरले विजय हासिल गरेका छन् । उनले देशको समग्र विकासका साथै जिल्लाको विकासमा जोड दिने बताए । उनले सडक यातायातको विस्तार नै मुख्य प्राथमिकता रहेको प्रतिक्रिया दिएका छन् । जनजरकोटमा ६० हजार ८ सय ९७ मत खसेको थियो ।
त्यस्तै जाजरकोटमा प्रदेशसभा तर्फ दुईवटै क्षेत्रमा बामगठबन्धनका उम्मेदवार विजयी भएका छन् । फराकिलो मतले प्रतिस्पर्धीलाई पछि पादै गठबन्धनले बाजी मारेको हो । प्रदेश क बाट वाम गठबन्धनका उम्मेदवार गणेशप्रसाद सिंह विजयी भएका छन् । माओवादी केन्द्रका सिंहले १६ हजार ९ सय ११ मत ल्याएर विजयी भएका हुन् । उनका निकतम प्रतिद्वन्दी नेपाली कांग्रेसका बेदराज सिहले १२ हजार ८ सय ७८ मत प्राप्त गरेका छन् । चार हजार ३३ मतान्तरले सिंह विजयी भएका हुन् । प्रदेश क मा ३२ हजार ६ सय ६ मत खसेको थियो ।
प्रदेश ख बाट वाम गठबन्धनका उम्मेदवार करवीर शाही विजयी भएका छन् । एमालेका शाहीले १५ हजार एक सय ८५ मत ल्याएर विजयी भएका हुन् । उनका निकतम प्रतिद्वन्दी नेपाली कांग्रेसका दीपक जंग शाहले १० हजार तीन सय ६० मत प्राप्त गरेका छन् । चार हजार ८ सय २१ मतान्तरले शाही विजयी भएका हुन् । प्रदेश ख मा २८ हजार २ सय ९१ मत खसेको थियो । त्यहाँ एक हजार नौ सय ७९ मत बदर भएको थियो ।