रौतहट २ मा कांग्रेसका आलम विजयी
रौतहट: रौतहटको क्षेत्र नम्बर २ मा प्रतिनिधिसभा सदस्यमा नेपाली कांग्रेसका मो.अफताब आलम १८ हजार ८ सय ३३ मत प्राप्त गरी विजयी भएका छन्।
उनका निकटतम प्रतिद्वन्दी संघीय समाजबादी फोरम नेपालका किरण साहले १६ हजार ८ सय ५७ मत प्राप्त भरेका छन्।
प्रतिनिधिसभातर्फ रौतहटको क्षेत्र नम्बर २ मा ७८ हजार ७७३ मतदाता रहेकोमा ५५ हजार १ सय ८९ मत खसेको थियो। पूर्वमन्त्री मोहम्मद अफताव आलमको जन्म बुवा मोहम्मद सिद्धिकी वेदी र आमा मजिवुनको कोखबाट २०१९ असार ५ गते राजपुर फरहदवामा भएको हो।
विज्ञान संकायबाट स्नातक तहसम्मको अध्ययन गरेका आलम २०३४ सालमा राजनीतिमा प्रवेश गरेका थिए।
२०६४ सालमा भएको संविधानसभा चुनावमा रौतहट क्षेत्र नम्बर २ बाट विजयी आलम २०७० सालको चुनावमा पराजीत भएका थिए।
प्रतिक्रिया दिनुहोस !
